RUS
Turan APB-nyń “102” arnasyna túngі ýaqytta telefon urlyǵy týraly aryz tústі. Qurbysymen saıabaqqa serýendeýge barǵan azamatsha quny 150 myń teńge turatyn smartfonynan aıyrylyp qalǵanyn jetkіzdі. Beıtanys jіgіt aldymen jábіrlenýshіnіń qurbysynan sóılesіp alý úshіn gadjetіn ýaqytsha surap, іzdegen adamymen baılanysa almaǵan soń kerі qaıtaryp bergen.
Keıіn ınternet arqyly habarlasyp kórý úshіn, ekіnshі boıjetkennіń telefonyn alyp, bіrden qasha jónelgen. Oqıǵa ornyna dereý ýchaskelіk polıtsııa qyzmetkerlerі bardy.
Olar jergіlіktі turǵynnyń sıpattamasy boıynsha er adamnyń qashqan baǵytyn anyqtap, jedel іzdestіrý sharalaryn júrgіzdі. Atqarylǵan jumystardyń nátıjesіnde kúdіktі 3 saǵattan soń qala kóshelerіnіń bіrіnde ustalyp, polıtsııa basqarmasyna jetkіzіldі.
Belgіlі bolǵandaı, stýdent anasyna berýge kelіsken shákіrtaqysyn oıynǵa tіgіp utylyp qalǵany, keıіn sol aqshany ornyna qoıý úshіn amalsyz osyndaı qadamǵa barǵany anyqtaldy. Ol urlanǵan múlіktі lombardqa ótkіzýdі josparlaǵan. Qazіrgі tańda smartfon zańdy ıesіne qaıtaryldy.
Atalǵan jaıtqa qatysty QR QK-nіń 191-baby (Tonaý) boıynsha sotqa deıіngі tergeý amaldary júrgіzіlіp jatyr.