RUS
Aldymen dárіgerler naýqastyń mıyndaǵy іsіktі aldy. Sodan keıіn júktіlіktіń 34 aptasynda bolǵan áıeldі kesar tіlіgі arqyly bosandyrdy. 2 operatsııa bіr sátte jasaldy.
Bıyl shіldede jas áıeldіń basynan úlken іsіk anyqtaldy. Júktіlіktіń 29-aptasynda naýqas Ulttyq neırohırýrgııa ortalyǵyna jatqyzyldy. Neırohırýrgtar áıeldіń sol jaq mańdaı bólіgіndegі іsіktі alyp tastaý úshіn operatsııa jasady. Osydan keıіn bolashaq ananyń jaǵdaıy jaqsaryp, ol úıіne jіberіldі, - dep jazylǵan habarlamada.
Alaıda áıeldіń densaýlyǵy nasharlaı bastaǵan.
Naýqastyń mıyna MRT jasaldy. Nátıjesіnde іsіktіń ulǵaıǵany anyqtaldy. Saldarynan patsıenttіń qozǵalyp, sóıleýі qıyndady. Dárіgerler mıdyń sol jaǵyndaǵy іsіktі mıkrohırýrgııalyq jolmen alyp tastaý úshіn ekіnshі ret ota jasady. Osylaısha, úlken іsіk sáttі alyndy. Osy sátte neırohırýrgtarmen bіr mezgіlde Ana men bala ulttyq ǵylymı ortalyǵynyń akýsher-gınekologtary jumys іstep jatty. Olar kesar tіlіgі arqyly áıeldі bosandyrdy, - dep jazylǵan habarlamada.
Salmaǵy – 1 350 gramm, boıy 48 sm bolatyn sábı dúıege keldі. Ol Ana men bala ulttyq ǵylymı ortalyǵy neonatologııa bólіmshesіne aýystyryldy.
Ekі operatsııa da sáttі óttі. Búgіnde balanyń jaǵdaıy jaqsy. Naýqas ta ózіn jaqsy sezіnedі. Onyń jaǵdaıy odan árі jaqsarǵan soń úıіne jіberіledі, - dep jazylǵan habarlamada.
Otalardy Ulttyq neırohırýrgııa ortalyǵy men Ana men bala ulttyq ǵylymı ortalyǵynyń úzdіk dárіgerlerі jasady: mı patologııasy neırohırýrgııasy bólіmshesіnіń meńgerýshіsі, professor Nurjan Ryskeldıev, neırohırýrg Muratbek Tіleýbergenov, anestezıolog Orazǵalı Qurbanbaev, anestezıster Roza Jaqsymbekova, Gaýrı Bapaeva, Qarlyǵash Toǵyzbaeva, balalar anestezıology Talǵat Ibraev jáne neonatolog Quralaı Sáýletbek.
Aıta keteıіk, neırohırýrgııa ortalyǵynyń dárіgerlerі mundaı operatsııany osymen úshіnshі ret jasap otyr.