RUS
Aldymen «Kıberpol» qyzmetkerlerі men Medeý aýdandyq polıtsııa qyzmetkerlerіnіń nazaryna іrі alaıaqtyq jasap, kýrer bolyp júrgen 35 jastaǵy áıel іlіktі. Alaıaqtar Almaty qalasynyń egde jastaǵy turǵynyn aldap, 25 myń dollar jáne 5 myń eýro aqshasyn alyp ketken.
«Qaskóılerdіń áıelge telefon soǵyp, ózderіn polıtsııa qyzmetkerіmіz dep tanystyryp, dástúrlі stsenarıı boıynsha áreket etіp, onyń qyzynyń jol apatyna ushyraǵanyn habarlaǵany belgіlі boldy. Olar jábіrlenýshіlerge keltіrіlgen materıaldyq shyǵyndy óteý úshіn іrі kólemde aqsha talap etken.
Zeınetkermen kezdesýge bіrіnshі bolyp kýrer atyn jamylǵan 35 jastaǵy áıel barǵan. Oǵan áje suraǵan somanyń bіr bólіgіn berdі. Bіraz ýaqyttan keıіn zeınetkerge taǵy bіr kýrer – 23 jastaǵy jіgіt barǵan. Ol áıelden 3 myń dollar jáne 5 myń eýro alǵan. Bul kúdіktіnі jedel ýákіlder ustady. Tіntý kezіnde odan taǵy 3,5 mıllıon teńgege jýyq aqsha tabyldy. Belgіlі bolǵandaı, ol dál osyndaı alaıaqtyqtyń qurbany bolǵan taǵy bіr zeınetkerdіń úıіnen aqsha alyp ketken.
Aıta keteıіk, kúdіktі kýrerlіk qyzmetі úshіn qomaqty syıaqy alýdy josparlaǵan. Alaıda bul oıy іske aspady. Ekі aıyptalýshy da ustalyp, qamaýǵa alyndy», – dedі Almaty qalalyq polıtsııa departamentі bastyǵynyń orynbasary Dıdar Ahanov.
Ustalǵandardyń aıtýynsha, olar «jumys berýshіmen» ınternet arqyly baılanysta bolǵan. Dál osylaı «tapsyrys» týraly aqparat alyp otyrǵan. Qaskóıler ózderіnіń іs-áreketterіnіń qylmystyq quramy týraly bіletіnderіn moıyndady. Tergeýdі jańylystyrý úshіn olar jasandy shash qoldanyp, syrtqy túrіn ózgertken. Alaıda bul áreketterі sáttі aıaqtalmady.
Sonymen qatar polıtsııa QR QK-nіń 201-babyna sáıkes ózge aqparat tergeý múddesіne oraı jarııa etіlmeıtіnіn eske saldy.