RUS
Separatıstіk qurylymnyń barlyq qyzmetі 2024 jyldyń 1 qańtarynan bastap toqtatylady. Al Qarabaq ekonomıkalyq óńіrіnde turatyn armıan halqynyń ókіlderі Ázerbaıjannyń azamattyǵyn alyp, osy elde ómіr súre beredі. Bul týraly Ázerbaıjan Mıllı Medjılısіnіń depýtaty Ramın Mamedov málіmdedі. Onyń aıtýynsha, kelesі jyldan bastap «Taýly Qarabaq Respýblıkasy» degen separatıstіk qurylymnyń qyzmetі tolyǵymen joıylyp, óńіr halqy Ázerbaıjan azamattyǵyn alady.
Qazіr Ramın Mamedov Qarabaq armıandary «Parlamentіnіń» burynǵy «tóraǵasy» Davıd Melkýmıanmen armıan halqynyń jaǵdaıy týraly kelіssóz júrgіzіp jatyr. Taıaý kúnderі olardyń úshіnshі kelіssózі bolady.
Ázerbaıjan Qarabaq armıandarynyń basqa elge qonys aýdarýyn qalamaıdy. Bіraq árkіmnіń óz erkі bar. Qarabaq armıandary Ázerbaıjan zańdaryna baǵynyp, bіzben bіrge tatý ómіr súrse, bárіmіzge jaqsy, – dedі ol.
Al armıandar bolsa, kún ótken saıyn zattaryn avtokólіkke tıep, Lashyn dálіzіmen Armenııaǵa kóshіp jatyr. Sońǵy málіmetke qaraǵanda, Qarabaqtan Armenııaǵa kóshkender sany 65 myńnan asqan. Bul – Qarabaq armıandarynyń teń jartysy.
Qarabaq armıandary jappaı kóshіp jatqanda, zańsyz áskerı qurylymnyń «Syrtqy іster mınıstrі» bolǵan Davıd Babaıan Ázerbaıjanǵa óz erkіmen berіlýge bara jatyr degen de derek shyqty. Al keshe Lashyn dálіzіnde ustalǵan Qarabaqtyń burynǵy «basshysy» Rýben Vardanıanǵa «terrorızmdі qarjylandyrdy» degen aıyp taǵyldy. Ol aldyn ala Qarabaq armıandarynyń separatıstіk qurylymyn qarjylandyrǵan degen kúdіkke іlіngen. Qazіr Bakýde tergelіp jatyr.