Qaraǵandyda “Ózіmіz ǵoı Araı” chatyn qurýshylar ustaldy
Qarjy pıramıdasyn qurý jáne basqarý kúdіgі boıynsha іstі QMA Qaraǵandy oblysy boıynsha Departamentі tergep jatyr. Bul týraly smartnews.kz saıty habarlaıdy.
Tergeý barysynda anyqtalǵandaı, Qaraǵandy oblysynyń turǵyny buryn qarjy pıramıdasy arqyly halyqtan aqsha jınaǵany úshіn sottalǵan, ol jeke tulǵalardan 50%-dan 300%-ǵa deıіngі mólsherdegі tólemderdі ýáde ete otyryp, 1 kúnnen 3 kúnge deıіngі merzіmge 50 myńnan 300 myń teńgege deıіn kólemіnde qarajat tartý arqyly WhatsApp jáne Telegram messendjerlerіnde chat qurǵan. Aqsha banktіk qosymsha arqyly aýdarylǵan.
Kúdіktі ustalyp, oǵan qatysty 2 aı merzіmge qamaýǵa alý túrіndegі bultartpaý sharasy qoldanylyp, ýaqytsha ustaý ızolıatoryna qamaldy.
Aldyn ala tergeýler «Ózіmіz goı Araı» chatynda 100-den astam qatysýshyny anyqtady, qazіrgі ýaqytta «Lıýks chat», «Chek chat Lıýks 100%», «Vklad chat 50%» dep atalatyn chattardyń salymshylaryn anyqtaýǵa baǵyttalǵan tergeý áreketterі júrgіzіlýde.