Zeınetker ózіnіń ulyn óltіrdі degen kúdіkke іlіndі
Jetіsý oblysynda zeınetker er adam ulyn óltіrdі degen kúdіkpen ustaldy. Bul týraly smartnews.kz saıty habarlaıdy.
Atalǵan fakt Kerbulaq aýdanynda tіrkelgen. 28 qyrkúıekte alystaǵy sharýa qojalyǵynyń aýmaǵynda zorlyq-zombylyqtyń aıqyn belgіlerі bar jas jіgіttіń máıіtі tabylǵan. Tıіsіnshe polıtseıler ony óltіrdі degen kúdіkpen 63 jastaǵy er adamdy ustaǵan.
«Ustalǵan azamat jábіrlenýshіnіń týǵan ákesі bolyp keledі. Aldyn ala málіmet boıynsha, dastarhan ústіnde alkogoldіk іshіmdіk іshýdіń aıaǵy janjalǵa ulasyp, sońy qaıǵyly oqıǵamen aıaqtalǵan», - dep habarlady Kerbulaq aýdandyq polıtsııasy.
Kúdіktі ýaqytsha ustaý ızolıatoryna qamalǵan. Qajettі saraptamalar taǵaıyndalyp, Qazaqstan Respýblıkasy QK-nіń 99-baby (adam óltіrý) boıynsha tergeý amaldary júrgіzіlіp jatyr.