RUS
Eń daryndy, eń qabіlettі jastar іrіkteýden sáttі ótіp, el múddesі úshіn qyzmet atqarýǵa múmkіndіk aldy. Olar memlekettіk qyzmettegі basshylyq laýazymdarǵa konkýrstan tys taǵaıyndalý múmkіndіgіne ıe boldy.
Solardyń jarqyn mysaly retіnde Qostanaı óńіrіnen іrіkteýge qatysyp baǵyn synaǵan kóptegen jastardyń іshіnen bіlіmі men jeke, árі kásіbı qabіletterіnіń arqasynda sýyrylyp alǵa shyǵyp rezervke engen Azamat Kashıev pen Arnur Sartovty aıtyp ketse bolady. Prezıdenttіk jastar kadr rezervіnen oblystyq deńgeıde basshylyq laýazymǵa taǵaıyndalǵan Azamat Sovhozbaıuly men saıası laýazymǵa, ıaǵnı aýdandyq deńgeıde ákіm bolyp taǵaıyndalǵan Arnur Maratuly búgіnde óz mіndetterіn mіnsіz atqaryp, halyq yqylasyna bólenýde. Bul іrіkteýdіń nátıjelі ótkendіgіnіń belgіsі dep bіlemіn.
Ózіm 2019 jáne 2021 jyldary ekі іrіkteýde de assesment ortalyǵy ádіsі arqyly úmіtkerlerdіń qabіletterіn baǵalaǵan ekspertterdіń qatarynda bolǵandyqtan, іrіkteýdіń barynsha ádіl, árі ashyq bolǵanyn nyq senіmmen aıta alamyn.
Assesment ortalyǵy halyqaralyq deńgeıde dáldіgі jaǵynan joǵary senіmge ıe bolǵan quzyrettіlіkterdі baǵalaýdyń ozyq ádіsі bolyp tabylady. Assesment kezіnde ár qatysýshyǵa bіrdeı talap qoıylyp, ózіnіń qabіletіn barynsha kórsetýge bіrdeı múmkіndіk berіledі. Úmіtkerlerge kóshbasshyǵa tán quzyrettіlіkterіn kórsete alatyn tapsyrmalar berіlіp, nátıjesі boıynsha obektıvtі baǵa berіledі. Obektıvtіlіktі qamtamasyz etý úshіn bіr úmіtkerdі kem degende ekі assesor baǵalaıdy. Osy kezeńde úmіtkerdіń boıynda joǵary memlekettіk jáne basqarýshy laýazymdarǵa laıyqty qabіletterdіń qanshalyqty damyǵany anyqtalatyndyqtan, árі ár úmіtkermen tіkeleı jeke jáne toptyq jumystar júrgіzіletіndіkten úmіtkerdіń shynaıy bolmysy tanylady. Sondyqtan bolar boıynda qaıraty bar, alǵa qoıǵan maqsaty aıqyn, jalyndaǵan jastar osy kezeńde barynsha ashylyp, ózderіn kásіbı maman, árі jeke tulǵa, kóshbasshy retіnde kórsetýge múmkіndіk alady.
Prezıdenttіk jastar kadr rezervі jastarǵa bіlіmі men daǵdylaryn qoldanyp, memlekettіk qyzmette óz áleýetіn іske asyrýǵa, jaýapty laýazymdarda qyzmet etýge múmkіndіk beretіn bіregeı joba. Prezıdenttіk jastar kadr rezervі júregі elіm, jerіm, halqym dep soǵatyn shynaıy Otanyn súıetіn, el múddesі úshіn aıanbaı eńbek etýge daıyn jastardyń mekenі.
2023 jylǵy іrіkteýde baǵyn synaýǵa bel býǵan barlyq jastarǵa osy qundylyqtarǵa asa mán berіp, іrіkteýden sáttі ótýlerіne tіlektestіk bіldіremіn.