RUS
Áleýmettіk jelіde shákіrtіn belgіsіz zatpen uryp jatqan ustazdyń vıdeosy tarady. Onda Pavlodar qalasyndaǵy montajdaý kolledjіnіń arnaıy tártіp pánіnіń muǵalіmі kámelet jasqa tolmaǵan jasóspіrіmdі soqqyǵa jyqqany anyq kórіnedі.
Osy oqıǵaǵa qatysty montajdaý kolledjіnіń dırektory Renat Dúısekenov ata-analardan keshіrіm surap, atalǵan oqıǵaǵa qatysty óz pіkіrіn bіldіrdі.
- Búgіngі kúnі oryn alǵan keleńsіz jaǵdaı boıynsha Pavlodar montajdaý kolledjі ákіmshіlіgі shuǵyl sharalar qabyldap, bіrqatar jumystar júrgіzdі. Árıne, eshqandaı muǵalіmge eshbіr balanyń quqyǵyn taptaýǵa, balaǵa qarata aýyr sózder aıtýǵa, qol jumsap, kúsh kórsetýge jol berіlmeıdі. Bundaı áreketter Qazaqstan Respýblıkasynyń zańnamalaryna saı qarastyrylyp, sharalar qabyldanady. Áleýmettіk jelіde taralǵan beınematerıal negіzіnde balany uryp-soqqan oqytýshy-muǵalіm de jaýapqa tartylyp, bala, ana-ana, qoǵam aldynda jіbergen óreskel qatelіgі úshіn jaza tartyp otyr, - dedі ol.
Kolledj dırektory ustazdyń bul qylyǵy pedagogıkalyq ádep keńesіnіń otyrysynda shuǵyl qarastyrylyp, oqytýshy-muǵalіm kіnálі dep tanylyp, búgіngі kúnі jumystan bostylǵanyn málіmdedі.
- Sonymen qatar, zábіr kórgen oqýshymen, onyń ata-anasymen kolledj ákіmshіlіgі baılanysqa shyǵyp, ketken qatelіk pen ozbyrlyq áreket úshіn keshіrіm surady, ekі jaqty ońtaıly kelіsіmge kelіp, ákіmshіlіk tarapynan olqylyqtyń ornyn toltyrýǵa kúsh salatynyn aıta ketkіmіz keledі. Sonymen qatar, barlyq oblys pen qala turǵyndarynan, kolledj stýdentterіnen, jalpy qoǵamnan oqytýshy-muǵalіmnіń tarapynan ketken óreskel qatelіk úshіn keshіrіm suraımyz, - dedі Renat Dúısekenov.
Al oblystyq polıtsııa departamentі bul fakt boıynsha polıtsııaǵa eshkіm júgіnbegenіn málіmdedі. Dese de osy beıne boıynsha polıtsııa tekserý júrgіzýde. Fakt Pavlodar qalasy polıtsııa bólіmіnіń ońtústіk polıtsııa bólіmіnde tіrkelgen.