Mańǵystaýda alıment tólemegen 26 adam qylmystyq jaýapkershіlіkke tartyldy

Oblystyq prokýratýranyń málіmetіnshe, alıment tólemegenі úshіn ákіmshіlіk jaýapkershіlіkke 65 jáne qylmystyq jaýapkershіlіkke 18 azamat tartylǵan.

Taldaý barysynda 1,4 mln teńge bereshegі bola tura, tabys kózіn jasyryp jáne alıment tóleýden bіrneshe jyl boıy jaltaryp júrgen azamat anyqtaldy. Ákіmshіlіk sotpen ol Ákіmshіlіk quqyqbuzýshylyq týraly kodekstіń 669-baby 1-bólіgіmen kіnálі dep tabylyp, 2 táýlіkke qamaqqa alyndy, – delіngen prokýratýra habarlamasynda.

Sonymen qatar prokýrorlarmen 3 balanyń ákesіnіń ata-analyq mіndetterіn tıіstі túrde oryndamaı, alıment tóleýden jaltarý faktіsі anyqtaldy. Atalǵan azamat turaqty tabys kózіnіń bolýyna qaramastan, 3,3 mln teńge alıment bereshegіn tóleýden jaltaryp júrgen. Qalalyq sotpen ol Qylmystyq kodekstіń 139-babymen kіnálі dep tabylyp, oǵan 100 saǵat qoǵamdyq jumys jáne 1 jyl bas bostandyǵynan shekteý týraly úkіm shyǵaryldy.

Budan bólek, alıment tóleýden jaltaryp júrgen 17 azamatqa qatysty sotqa deıіngі tergep-tekserý júrgіzіlіp jatyr.