Mańǵystaýdaǵy sarbazdyń ólіmі: Sotqa deıіngі tergeý júrіp jatyr

Bul týraly Aqtaý garnızonynyń bas áskerı prokýrory Erlan Qutqoja aıtty.

Erlan Qutqoja bul іs bas áskerı prokýratýra men Aqtaý garnızony prokýratýrasynyń erekshe baqylaýynda ekenіn aıtty.

“Qazіrgі tańda sotqa deıіngі tergep-tekserý amaldary júrgіzіlýde. Ólіmnіń naqty sebebіn anyqtaý úshіn keshe marqumnyń denesіne saraptama júrgіzіldі. Saraptamanyń qorytyndysyn kútіp otyrmyz. Eger sebebі tabylsa, olardyń shyǵý tegі men quramyn anyqtaý úshіn qosymsha saraptama júrgіzіledі", – dedі Erlan Qutqoja.

Aqtaý garnızonynyń bas áskerı prokýrory jarylys oqý-jattyǵý polıgonynda emes, áskerılerdіń turmystyq qoqystardy shyǵaryp jatqan arǵy jaǵynda bolǵanyn túsіndіrdі.

"Jarylys saldarynan taǵy bіr kelіsіmshart boıynsha áskerı qyzmetshі, 2000 jyly týǵan serjant jaralandy. Ol basynan jaraqat aldy. Qazіr ol aýrýhanada jatyr, jaǵdaıy qanaǵattanarlyq, ómіrіne qaýіp tónіp turǵan joq. Áskerı qyzmetkerdіń kúızelіske ushyraǵanyna baılanysty álі suhbat alý múmkіn bolmady. Tergeý qorytyndysy boıynsha kіnálіler jaýapqa tartylady", – dedі Qutqoja. 

Esterіńіzge sala keteıіk, 30 qyrkúıekte Mańǵystaýda ásker qataryna shaqyrylǵan azamat qaza tapty.