RUS
Ǵalymdardyń bul eńbegі eleýsіz qalmady. Memleket tarapynan qoldaý kórsetіlіp, ǵylymdy kommertsııalandyrý satysynan sáttі óttі. Qazіr joba avtorlary Astanadaǵy boıaý shyǵaratyn zaýytpen bіrlesіp jumys іsteýge kіrіsken.
Ǵalymdar korrozııaǵa qarsy boıaý tehnologııasyn qazіr óndіrіske engіzýge daıyndalyp jatyr. Ol úshіn mynandaı zerthana da jasaqtap qoıypty. Bul boıaýlar munaı-gaz, energetıka qubyrlaryn boıaýǵa arnalmaq. Ónertabysty qazіr «Ǵylym qory» qoldap, qarjylandyra bastady.
Jańa ónіmnіń bolatty uzaq jyldar tottan qorǵaýǵa qaýqary bar. IAǵnı, 15 jylǵa deıіn temіrdі shіrіp ketýden saqtaıdy.
- Zerthanamyz jabdyqtaldy. Barlyq jabdyqtaryn aldyq. Kelіp jatqan shıkіzat ónіmderі men óndіrіlgen ónіmnіń bárі sapadan ótýі kerek. Sondyqtan zerthana sol sapasyn tekseredі. Qazіr túrlі munaı salasyndaǵy mekemelermen kezdesýler ótіp, tanystyryp jatyrmyz,- dedі Gúlmıra Baımaǵanbetova, joba jetekshіsі.
Ǵylymı joba qazіr boıaý zaýytynyń bazasynda synaqtan ótіp jatyr. Ekologııalyq ónіmge álden suranys boıynsha kezekte turǵandar bar. Sondyqtan іshkі naryqty tolyq qamtı alamyz, - deıdі mamandar.
Sebebі buǵan deıіn alyp óndіrіs oryndary korrozııaǵa tótep beretіn boıaýlardy tek shetten tasýǵa májbúr bolǵan.
- Qazaqstanda lak-boıaý ónіmderіnіń jalǵyz óndіrýshіsі bolyp tabylamyz. Bіz qazaqstandyq borpyldaq jáne suıyq shıkіzattardy qoldanamyz. Daıyn boıaýlar ártúrlі ónerkásіptіk salalarda, mysaly, taý-ken, avtokólіk, kópіrlerdі boıaýǵa qoldanylady, - Maksım Demyshev, bas dırektordyń óndіrіs jónіndegі orynbasary.
Endі ǵalymdar bul ǵylymı eńbegіn patenttep almaq nıette. Ótіnіsh berіp, nátıjesіn kútіp otyrǵanyn aıtady. Al boıaýdyń osy túrіn zaýytta jyl sońyna deıіn shyǵaramyz dep otyr.