Qaraǵandyda 21 jastaǵy boıjetken dúkenge tájіrıbeden ótýge kelіp, kassadan aqsha urlap ketken
Qaraǵandyda 21 jastaǵy boıjetken sýpermarketke jumysqa turý úshіn tájіrıbe jınaý kúnderіnde kassadan aqsha urlap, keıіn jumysqa kelmeı qalǵan. Onyń ne sebeptі kelmeı ketkenі kassadan aqshalar joǵalǵan kezde anyq bolǵan.
Polıtsııanyń málіmetіnshe, boıjetken sýpermarketke taǵylymger (stajer) bolyp jumysqa kelgen. Ol kassa aparatyn úırený úshіn sol jerde jumys іsteýdі ótіngen. Kelesі kúnі belgіlі bіr sebeptermen jańa qyzmetker jumysqa kelmeı, keıіnnen múldem kórіnbeı ketken.
"Boıjetkennіń kenet joǵalýynyń sebebі tekserý barysynda qyzmet kórsetetіn kassadan aqsha urlaǵanan kezde baıqalǵan. Keltіrіlgen shyǵyn kólemі 220 myń teńgenі qurady. Sýpermarket ákіmshіlіgі Qaraǵandy qalasy ÝPP Oktıabr polıtsııa bólіmіne habarlasty.", — dedі polıtsııa.
Jedel іzdestіrý sharalary barysynda krımınaldyq polıtsııa qyzmetkerlerі kúdіktі 21 jastaǵy qyzdy ustady. Ol kіnásіn moıyndady.
Polıtseıler QR Qylmystyq kodeksіnіń 188-baby "Urlyq" boıynsha sotqa deıіngі tergeý barysynda kúdіktіnіń osyǵan uqsas taǵy bіr qylmysqa qatystylyǵyn anyqtady.
Ol taǵy da basqa sýpermarketke taǵylymdamadan ótýshі bolyp jumysqa ornalasqan. Bul jaǵdaıda qyz kassadan 80 myń teńge alyp ketken.