Memlekettіk jáne basqa da tsıfrlyq servısterdі bіrіktіrgenі úshіn jáne qazaqstandyqtardyń kúndelіktі ómіrіne keńіnen endіrgenі úshіn Kaspi.kz kompanııasy basty «Jyl transformatory» atandy.
Kaspi.kz-tіń basshysy árі negіzіn qalaýshylardyń bіrі Mıhaıl Lomtadze óz pіkіrіn bіldіrdі:
«Búgіngі tańda Qazaqstan – memlekettіk qyzmetterdі onlaın kórsetýde álemdegі eń damyǵan elderdіń bіrі, ol ár qazaqstandyq úshіn zor maqtanysh kózі. Qazaqstandyqtar úshіn memlekettіk qyzmetterdі barynsha qoljetіmdі etýge tyrysyp jatqan memlekettіk organdarǵa raqmet aıtamyn. TSıfrlyq damý mınıstrlіgі, «Ulttyq aqparattyq tehnologııalar» AQ, «Azamattarǵa arnalǵan úkіmet» KEAQ, Qarjy mınıstrlіgі, Memlekettіk kіrіster komıtetі, Densaýlyq saqtaý mınıstrlіgі, Ishkі іster mınıstrlіgі, Eńbek jáne halyqty áleýmettіk qorǵaý mınıstrlіgі, Ádіlet mınıstrlіgі, Bas prokýratýranyń Quqyqtyq statıstıka komıtetі, IIM Ákіmshіlіk polıtsııa komıtetі men azamattarǵa arnalǵan zamanaýı tsıfrlyq servısterdі jasaýǵa atsalysqan basqa da mekemelerge senіm artqany úshіn jáne bіrlesіp jumys іstegenі úshіn myń alǵys. Al qazaqstandyqtar memlekettіk qyzmetterdі týra óz smartfonynda ońaı árі jyldam alady. Bіzdіń jumysymyzdy joǵary baǵalaǵany úshіn forýmnyń qazylar alqasyna raqmet!»
Kazakhstan Growth Forum saraptamalyq keńesі jyl saıyn elіmіzdіń úzdіk kompanııalaryn aıqyndaıdy. Bıyl onyń quramyna Oraz Jandosov, Sáken Jumashev (KPMG), Elena Bahmýtova (AFK), Eldar Ábdіrazaqov (Kazakhstan Growth Forum), Ekaterına Bendjamın (IFC), Erlan Dosymbekov (EY), Erjan Dosymbekov (Grant Thornton), Andreı Beklemıshev (IDC), Dýlatbek Ikbaev (McKinsey & Company), Dana Ińkárbekova (PwC), Dına Ýrastaeva (Qazaq Independent Directors) sııaqty bedeldі sarapshylar kіrdі.