"15 myńy ómіrden ótіp ketken": Baspana kezegіnde turǵan 230 myńnan astam qazaqstandyq tіzіmnen shyǵaryldy
230 myńnan astam qazaqstandyq baspana kezegіnen shyǵarylady. Taldaý nátıjesіnde olardyń 96 myńnan astamy sońǵy bes jylda úılі bolǵan. Kezekte turǵan taǵy 533 adam Qazaqstan azamaty emes. Derekter bazasyndaǵy 15 myń 600 azamat ómіrden ótken. Bul týraly Ónerkásіp jáne qurylys mınıstrlіgіnіń mamandary málіmdedі. Bul týraly smartnews.kz saıty Almaty.tv-ge sіlteme jasap habarlaıdy.
Jergіlіktі ákіmdіkter baspanaǵa muqtaj jandardyń tіzіmіn jyl saıyn jańartyp otyrýy tıіs. Jyl basynda júrgіzіlgen arnaıy saraptama negіzіnde zań buzylǵany anyqtalǵan.
"Zańǵa sáıkes eger azamattyń atynda turǵyn úı tіrkelse, turǵylyqty mekenjaıyn aýystyrsa úı kezegіnen shyǵarylady", – dedі QR Ónerkásіp jáne qurylys mınıstrlіgі komıtetіnіń bas sarapshysy Samat Bekjіgіt.
Bastama qolǵa alynǵaly ákіmdіkter 10 myń adamdy kezekten shyǵaryp úlgerdі. Qazіrgі tańda bul jumys TSıfrlyq damý mınıstrlіgіmen bіrlesіp atqarylyp otyr.
Aıta ketsek, elіmіz boıynsha 647 myńǵa jýyq azamat kezekte tur. Onyń 430 myńǵa jýyǵy halyqtyń áleýmettіk osal tobyna jatady.
"Ónerkásіp jáne qurylys mınıstrlіgі tapsyrmasymen Astana qalasynda baspana kezegіnde turǵan turǵyndar tіzіmіn túgendep jatyr. Quqyq menshіgіnde turǵyn úıі bar azamattar kezekten shyǵarylýda. Búgіngі tańda joǵarydan kelgen tapsyrma boıynsha 3372 adam kezekten shyǵaryldy", – dedі "Turǵyn úı qory" KMM qoǵammen baılanys bólіmіnіń mamany Bekjan Sıpat.