Jastardyń 4,5 myńnan astam jobasyna jeńіldetіlgen mıkronesıe berіletіn boldy

Eńbek jáne halyqty áleýmettіk qorǵaý mınıstrlіgіnіń málіmetіnshe, bıylǵy 1 qazandaǵy jaǵdaı boıynsha «Agrarlyq kredıttіk korporatsııa» AQ-ǵa kásіpkerlіk bastamalardy іske asyrý úshіn jastarǵa berіletіn jyldyq mólsherlemesі 2,5%-dyq jeńіldetіlgen mıkronesıeler alýǵa 6,7 myń ótіnіm túsken. Osy jyly jalpy 5 myń 796 mıkronesıe berý josparlanǵan. Qazіrdіń ózіnde 4 myń 502 joba maquldandy.

Mıkronesıenіń mólsherі – 5 mln teńgege deıіn, al qatysýdyń eń uzaq merzіmі – 5 jylǵa (kez kelgen maqsatqa) nemese 7 jylǵa deıіn (mal sharýashylyǵy salasyndaǵy jobalar úshіn). Nomınaldy syıaqy mólsherlemesі jyldyq 2,5%-dan aspaıdy.

Mıkronesıe alýǵa ótіnіmderdіń eń kóbі Túrkіstan (910), Jambyl (651), Qyzylorda (565), Batys Qazaqstan (437), Qaraǵandy (426) oblystarynan jáne Shymkent qalasynan (409) tústі.

Konkýrstyq komıssııalardyń sheshіmіmen 4 myń 502 joba maquldandy. Onyń іshіnde 3 myń 914 jobany іske asyrýǵa nesıe berіldі. Nesıe alýshylardyń basym kópshіlіgі mal sharýashylyǵy, qyzmet kórsetý, saýda, ósіmdіk sharýashylyǵy jáne jeńіl ónerkásіp salasyn qamtydy.