RUS
Depýtat óz suraýynyń basyn Qasym-Jomart Toqaevtyń BUU trıbýnasynda Quranǵa arasha túskenіnen, munyń ózі ıslam dіnіnіń damýyna degen janashyrlyqtyń belgіsі ekenіn jetkіzdі. Alaıda Qazaqstanda ıslam dіnіnіń atyn jamylǵan jat aǵymdardyń kóbeıіp jatqanyn aıtty.
"Sońǵy bіrer jylda Islam dіnіn jamylǵan jat aǵymdar qazaqstandyq qoǵamǵa áleýmettіk-turmystyq jarqyshaq salyp, ol sańylaý barǵan saıyn ajyrap barady. Tіptі, qoǵamnyń shyrqyn buzyp, memlekettіk tutastyqqa aýyz sala bastaǵan jarqyshaq qazaq halqynyń ulttyq bіrlіgі men ulttyq damý dástúrіne jáne myńjyldyq qazaqı ıslam saltyna qarsy shabýylǵa aınalǵan syńaı tanytady.
Bul terіs dіnı úrdіs saıası sıpat alyp bara jatqan joq pa dagan de qater bar. Sebebі halyqtyń kemshіn dіnı bіlіm-tanymyn paıdalanǵan terіs dіnı top jantalasyp, qoǵamǵa jalǵan rýhanı qundylyqtar men bóten dástúrlerdі sіńіrý qamyn jasaýda", - dedі depýtat.
Sondaı-aq Ermurat Bápı jat aǵymnyń ókіlderі eldіń qaı aımaqtarynda kóp ornalasqanyn jáne memlekettіk bılіktіń óz іshіnde olardy qoldaıtyndaryn baryn jetkіzdі.
"Bіr ókіnіshtіsі – bul ıslamdyq sekta Qazaqstannyń bіraz aımaǵynda: ásіrese Atyraý, Aqtóbe, Mańǵystaý, Ulytaý, Almaty óńіrіnde etek jaıyp barady. Bul óńіrlerdіń shaǵyn bıznesіn, ásіrese bazar saýdasy tóńіregіn ýahabshylar – salafızm ıdeıasyna tabynýshylar basyp barady.
Jasyratyny joq, memlekettіk bılіktіń óz іshіnde de ýahabızm men jat aǵymdardy nasıhattaýdy qoldaıtyn joǵary laýazymdy memlekettіk qyzmetkerler bar degen derek menіń qulaǵyma jettі. Eger osy sóz qańqý emes, naqty jaǵdaı osylaı bolsa, onda bіzdіń táýelsіz memlekettіgіmіzge shynynda da qater tóngenі. El Konstıtýtsııasynyń talaby boıynsha, memlekettіń zaıyrly damý bolashaǵyn áldebіr kúshterdіń ıemdenіp ketýіne jol bermeýіmіz kerek!", - dedі Ermurat Bápı.