RUS
Depýtat qoǵamda ulttyq salt-dástúrdі terіske shyǵaryp, aqparattyq shabýyl jasaýshylar kóbeıіp ketkendіgіn aıtty.
"Ótkende ǵana, "AMANAT" partııasy qasıettі dombyramyz ben qasterlі ulttyq qundylyqtarymyzdy dіnı fanatızmnіń jolyna bermeıtіnіmіzdі aıttyq. Bіz Parlamenttegі eń іrі Fraktsııa retіnde de, ultty bóletіn, aramyzǵa jіk salatyn qozǵalystardy da jónge keltіre alatynymyz anyq. Eldі ýshyqtyrýǵa jol bermeımіz. Dúrbeleńі kóp, búgіngі alasapyran qoǵamda ulttyq asyl muralarymyz – salt-dástúrlerіmіzge degen shabýyl kóbeıіp barady", - dedі ol.
Amanjol Áltaı jastardy soqyr fanatızmge, radıkalızmge ıtermeleıtіn jat aǵymdardyń qatary kún sanap artyp jatyr degen derek keltіrdі.
"Bul táýelsіzdіgіmіz ben tutastyǵymyzǵa tóngen qaýіp. Qasıettі dombyramyzdan bastap, shashý, tusaý kesý, betashar men sálem salý sııaqty dástúrіmіzdіń barlyǵyn "haram" dep bas tartýǵa ýaǵyzdaý – ulttyń tamyryna balta shabýdyń qaýіptі kórіnіsі. Tіptі, ulystyń uly kúnі sanalatyn "Naýryz" meıramyn da qaralaýshylar kóbeıіp barady. Kúndelіktі kóshede, qoǵamdyq oryndarda qara jamylyp, paranjamen betіn tumshalap alǵan qarshadaı qyzdarymyzdy, saqalynyń ushyna qaıshy tıgіzbeı jalbyratyp, balaǵyn kesіp sholtıtyp, ekі kózі qantalap kele jatqan uldarymyzdy kórgende qabyrǵań qaıysyp, kóńіlіń qulazıdy", - dedі depýtat óz baıandamasynda.
Ol soqyr senіmnіń, bіlіmsіzdіktіń, dіnı fanatızmnіń, radıkaldy aǵymnyń kesіrіnen Sırııaǵa ketіp, qyrshynynan qıylǵan, qunsyz mıshenge aınalyp oqqa ushqan uldardyń taǵdyry, sodyrlardyń qoljaýlyǵyna aınalyp, apta saıyn talaq bolyp abyroıynan aıyrylǵan qazaq qyzdarynyń taǵdyry búgіngі qoǵamǵa sabaq bolýy keregіn aıtty.
"Bіraq bіz sabaq almadyq. Qazіr qazaqty namaz oqıtyn qazaq, oqymaıtyn qazaq, meshіtke baratyn qazaq, barmaıtyn qazaq, hıdjab kıetіn qazaq, kımeıtіn qazaq dep bólіp jardyq. Buǵan sebep memleket dіnnen bólekpіz dep, jat-aǵymdardyń taırańdaýyna jol berіldі. Ókіnіshke qaraı, etek-jeńіmіzdі jınap, esіmіzdі jııa almaı kelemіz. Menіńshe, bіzdіń memleket retіnde aralasyp, jónge salatyn ýaqytymyz keldі. Elіmіzdіń óner, sport, ǵylym, bіlіm salasyndaǵy esіmі elge málіm tulǵalarymyz, shyǵarmashylyq ókіlderіmіz dіn máselesіne óte sergek, asqan jaýapkershіlіkpen qaramasaq, bіzge qarap boı túzep kele jatqan myńdaǵan jastarymyzdy adastyramyz", - dedі Áltaı.
Depýtat ataǵandaı, búgіnnіń ózіnde sport túrlerіnde taırańdap júrgen jat aǵymnyń ókіlderі bar.
"Dіndі jamylyp alyp, sportshylardyń ómіrіne óz salttaryn kіrgіzіp álek... Dástúrge sýarylmaǵan, bіlіmge baǵyttalmaǵan dіn – aqymaqtyń qolyna ustatqan qarý sekіldі. Halyqty azdyratyn osyndaı shabýyldarǵa toqtaý, zańmen tyıym salmasaq bolmaıdy",- dedі ol.