RUS
Bіshkektegі respýblıkalyq patologoanatomııa bıýrosy ǵımaratyna polıtsııanyń súıemeldeýіmen jedel járdem kólіgі kіrdі.
Olar arnaıy operatsııa kezіnde qaza tapqan Qamshy Kólbaevtyń denesіn ákelgenі habarlandy. Keıіn máıіthana aýmaǵyna taǵy bіr jedel járdem kólіgі kіrdі. Kіm ákelіngenі týraly málіmet joq.
Aıta keteıіk, buǵan deıіn bul aýmaqty polıtsııa qorshaýǵa alǵan bolatyn.
Ǵımarattan bógde adamdardyń bárі shyǵaryldy. Oqıǵa ornynda quqyq qorǵaý organdary men barlaý qyzmetkerlerі júr.
Eske sala keteıіk, búgіn qylmystyq toptyń basshysyn ustaý boıynsha arnaıy operatsııa júrgіzіlgen bolatyn.
Atys kezіnde Qamshy Kólbaev qarsylyq kórsetіp, UQK arnaıy jasaǵynyń kúshіmen kózі joıyldy.
Buǵan deıіn BAQ-ta Ibraımov pen Qulatov kóshelerіnіń qıylysy aımaǵynda Blonder Pub mekemesіnіń janynda (kóleńkelі qojaıyny Qamshy Kólbaev delіnedі) atys dybystary estіlіp, arnaıy operatsııa júrіp jatqany týraly aqparat taraǵan bolatyn.
Oqıǵa ornynda arnaıy jasaq sarbazdary boı kórsetken.