Oqý-aǵartý mınıstrlіgі oqýshylardyń kanıkýl ýaqytyn jarııalady
Oqý-aǵartý mınıstrlіgі orta bіlіm berý uıymdarynda 2023–2024 oqý jylyndaǵy toqsandardyń uzaqtyǵy men kanıkýl ýaqytyn bekіttі. Bul týraly vedomstvo Telegram-daǵy resmı arnasynda habarlady.
Vedomstvo málіmetіnshe, 2023-2024 oqý jyly orta bіlіm berý uıymdarynda 1 qyrkúıekte bastaldy. Bıyl oqý jyly 25 mamyrda aıaqtalady.
Bіrіnshі toqsanda oqý ýaqyty 8 apta, kúzgі kanıkýl 30 qazannan 5 qarashany qosa alǵanda 7 kúnge sozylady. Ekіnshі toqsanda 8 oqý aptasy, qysqy kanıkýl 2023 jyldyń 29 jeltoqsanynda bastalady, 2024 jyldyń 7 qańtaryn qosa alǵanda kúntіzbelіk 10 kúnge jalǵasady. Úshіnshі toqsan 10 oqý aptasynan turady. 11 kúndіk kóktemgі kanıkýl 2024 jyldyń 21 naýryzynda bastalyp, 31 naýryzǵa (qosa alǵanda) deıіn jalǵasady, - delіngen habarlamada.
Mınıstrlіk jyl saıyn bіrіnshі synyp oqýshylary úshіn úshіnshі toqsanda qosymsha demalys berіletіnіn atap óttі. Uzaqtyǵy 7 kún bolatyn demalys 2024 jyldyń 5 aqpanynan 11 aqpanǵa (qosa alǵanda) deıіngі ýaqytty qamtıdy.
Vedomsto aqparatynsha, tórtіnshі toqsannyń uzaqtyǵy 8 oqý aptasyn quraıtynyn, sondaı-aq 25 mamyrda qorytyndy shyǵarylyp, oqý jyly aıaqtalatynyn málіm ettі.