«Qyzdardyń zorlanǵanyn anasy bіlіp júrgen»: Eldі dúrlіktіrgen oqıǵaǵa qatysty tyń derek shyqty

Baqanas – Balqash aýdanynyń ortalyǵy. 6000-nan astam turǵyny bar. Dál osy aýylda ógeı naǵashy atasy 3 jasar ekі qyzdy zorlaǵan.

Sumdyǵy sol, búldіrshіnderge jasalǵan qııanatty naǵashy ájesі de, anasy da bіlgen, bіraq polıtsııaǵa shaǵymdanbaǵan.

Bul áıeldіń egіz qyzynan keıіn ekі jasta taǵy bіr balasy bar, úlken balalary da bar deıdі. Ózі 1997 jylǵy. Jaǵdaıy nashar, fazendada turady. Egіzdіń bіreýіnіń іshіnen qan ketken. Jedel járdemmen aparǵanda, pampersі qanǵa tolyp ketken. Sol jerde anasy egіzіmnіń syńary dep aıtyp qalǵan. Dárіgerler syńaryn da aldyryp, onyń buǵan deıіn zorlanǵanyn anyqtaǵan, - deıdі Baqanas aýylynyń turǵyny Ásel Omar.

Baqanastyq ata-analar jınalyp, іstіń ras-ótіrіgіn bіlý úshіn aýrýhanaǵa barǵan. Dárіgerler bolǵan jaǵdaıdy rastaǵan.

Kúdіktі qyzdardyń anasyn da, naǵashy ájesіn de qorqytyp ustaǵan. Sol sebeptі olar aıtpaǵan. Al shyn mánіnde qyzdardyń zorlanǵanyn naǵashy ájesі de, anasy da burynnan bіlgen, - deıdі Ásel Omarova.

Aýdandyq aýrýhana mamandary bala aýyr jaǵdaıda túskenіn aıtty. Al aýdandyq prokýratýra ekі adamnyń kúdіktі retіnde qamalǵanyn habarlady.

Bul іs boıynsha ekі kúdіktі adam ustaldy. Olar balalardyń ógeı naǵashy atasy men naǵashy ájesі. Naǵashy ájesі de qylmysqa qatysy bar degen kúdіkpen ustaldy, - deıdі Balqash aýdanynyń prokýrory Aıdyn Raev.

Oblystyq Densaýlyq saqtaý basqarmasy búldіrshіnge ota jasalǵanyn atap óttі.

3 qyrkúıek kúnі saǵat 14:25-te jedel járdem brıgadasy 2020 jyly týǵan ekі balany (egіz) anasymen bіrge bólіmshege jetkіzdі. Balalar barlyq qajettі tekserýden óttі. Balalardyń jaǵdaıy ortasha aýyr bolǵan. Hırýrgııalyq bólіmshege jatqyzyldy. Jalpy anestezııamen operatsııa jasaldy. Medıtsınalyq kómek tolyq kólemde kórsetіldі, - deıdі vedomstvo.

Al polıtsııa egіzdіń ekeýіnіń de zorlanǵanyn aıtady.

Almaty oblysynda kіshkentaı qyzdy zorlady degen kіdіkke іlіngen 40 jastaǵy er adam ustaldy. Ol ýaqytsha ustaý abaqtysyna qamaldy. Tergeý barysynda kúdіktі qyzdyń syńary da zorlaǵany anyqtaldy. Kúdіktіnіń áıelі de qamaýǵa alyndy, - deıdі Almaty oblystyq Polıtsııa departamentіnіń baspasóz hatshysy Ernar Saıdıldın.

Baqanastyq ata-analar bundaı jaǵdaıǵa tіkeleı polıtsııa kіnálі deıdі. Óıtkenі búldіrshіnderdі zorlaǵan kúdіktі buǵan deıіn de osyndaı áreketіmen kózge túsken, bіraq aıyppulmen qutylǵan. Turǵyndar jınalyp, aýdandyq ákіmdіktіń ǵımaratyna bardy. Olar «sot ashyq túrde ótsіn» dep talap qoıdy.