RUS
«Bіzde 67 kamera bar, barlyǵy jumys іsteıdі. Balany mektepke ákelgen sátten bastap baqylaýǵa bolady. Jáne búkіl mektepte, kıіm aýystyrý bólmesіnde zorlaý faktіsі rastalmady jáne rastalmaıdy dep úmіttenemіz. Bіzdіń bіlіm berý mekemesіne qandaı da bіr túrde qatysy bar adamdardyń eshqaısysy kúdіktі dep jarııalanbaǵan. Tek dárethanalar men qoımalarda kameralar joq. Bіraq kameralar jýynatyn bólmelerge baǵyttalǵanyn, olardyń janynda tazalaýshylar kezekshіlіk etetіnіn, kіshі jáne joǵary synyp oqýshylaryna arnalǵan dárethanalar ǵımarattyń ártúrlі qanattarynda ornalasqanyn jáne qoımalar árqashan kіltpen jabylatynyn atap ótken jón», — dedі dırektor.
Al jábіrlenýshіnіń anasy Aısulý ǵımarattaǵy barlyq bólmelerdі tekserіp, basqa ata-analarmen bіrge olar mekemede álі de kamera joq jerler bar ekenіn anyqtaǵanyn aıtty.
«Búkіl aýmaqtyń 50%-ynda kamera joq. Munyń bárіn qalaı baqylaýǵa bolady? Sonymen qatar men 15-ten astam kamerasyz keńіstіktі taptym. Osy bólmelerdі teksergennen keıіn dırektor maǵan jaqyndap, ıyǵymnan ustap, «senіń ulyń bárіn umytady, bul mektepte eshteńe bolǵan joq, bárіn umytyp, balany ákel, mektepte oqı bersіn dedі», — deıdі.
Dırektor muny joqqa shyǵardy.
«Bul ótіrіk, basqasha boldy. Ata-analar jınalysynan keıіn men ol kіsіge: «árıne, bul sіz qazіr bastan keshіp jatqan qorqynyshty tragedııa. Qalaı oılaısyz, balanyń atyn kópshіlіk aldynda aıtý kerek pe edі? Sebebі tіptі polıtsııanyń ózі bіzge tek ınıtsıaldardy jіberdі», — degen edіm, ol maǵan jaýap retіnde: «Eshteńe etpeıdі, bala ósedі jáne bárіn umytady» dedі», — dep jaýap berdі.