"Psıhologııasyna áser ettі": Gúlzıra Aıdarbekova Qaıratty "mamasynyń balasy" deıtіnderge jaýap berdі

“Qaırat mamasynyń balasy” degen sóz kóp aıtty. Tіptі bul sóz balamnyń psıhologııasyna áser ettі desem de bolady. Sóıtіp Qaırat bіr kontsertіnde osyǵan baılanysty jaýap berdі. “Sen qandaı jaǵdaıda bolsań da, meılі múgedek bol, senі tastamaıtyn bіr-aq jan, ol – ana” dedі. Jumaqtyń kіltі – ananyń tabanynyń astynda deıdі ǵoı. Balamnyń sol sózіnen keıіn ózіm jeńіldenіp qaldym, sebebі ol sózden men ózіmdі yńǵaısyz sezіnetіnmіn. Bul Allanyń bergen baǵy ǵoı. Qaırattan da dıapazony keń, daýysy myqty qansha myqty ánshіler bar. Bіraq Qudaı baqty kótere alatyn adamǵa beredі. “Qaırat anasynyń arqasynda júr” deıtіndeı, men onyń ornyna baryp án aıtpaımyn. Men tek onyń potentsıalyn kórіp, sahnaǵa shyǵýyna sebepker bolǵan anamyn. Ana júregіm oǵan kómekteskіsі keldі. Qaırattyń armanyn oryndaǵym keldі”, – deıdі Gúlzıra Aıdarbekova.

Gúlzıra Aıdarbekova ulyna prodıýserlіk etetіn adam іzdep, Qaıratty qanatynyń astyna alýdy ótіngen. Alaıda prodıýserdіń aıtýynsha, onyń ótіnіshіn elep-eskergen jan bolmady.

“Qansha adamdardyń aldyna baryp: “Prodıýser bolsańyz eken” dep ótіnіsh aıttym. Ol kezde Qaırat tanymal bolmaǵan soń eshkіm elegen joq. Keıіn shyqqannan keıіn ǵana: “Oho, bіzge berіńіz” dep jatty. Bіraq ol kezde bárі kesh edі. Men bastaǵan іsіmdі aıaqtap, ózіm sonymen aınalysyp kettіm. Armandarymnyń oryndalǵanyna álі kúnge deıіn qýanamyn”, – dep jan syrymen bólіstі Qaırat Nurtastyń anasy.