Almatydaǵy zańger áıeldіń ólіmі: 18 ret pyshaqtaǵan kúıeýіne qatysty sot úkіmі ózgerdі

Almaty soty atyshýly іs boıynsha sot otyrysynyń aıaqtalǵanyn málіmdedі.

"Qylmystyq qýdalaý organy N.-ny qasaqana kіsі óltіrdі (QK-nіń 99-baby 1-bólіgі) aıyptady. N. áıelіmen úsh jyl nekede bolǵan. Nekelerі buzylǵan soń, olardyń arasynda múlіktі bólý týraly másele sheshіlmeı qalǵan. Bul kóptegen janjaldarǵa jáne er adamnyń áıelіne degen óshpendіlіgіne sebep bolǵan. 2022 jyldyń qazan aıynyń 8-nen 9-na qaraǵan túnі N.-nyń burynǵy áıelіn úıіnіń qasyna kútіp turǵan. Áıel bul máselenі talqylaýdan bas tartty. Osyǵan baılanysty burynǵy erlі-zaıyptylar taǵy da janjaldasyp, janjal kezіnde er adam qolyndaǵy pyshaqpen áıelge 18 ret soqqy jasaǵan. Áıel alǵan jaraqattarynan aýrýhanada kóz jumdy", – delіngen habarlamada.

Resmı derekterge sáıkes, sottalýshy áıelіn qatty emotsıonaldy tolqý jaǵdaıynda óltіrgenіn aıtyp, kіnásіn moıyndamaǵan. Prokýror men jábіrlenýshі tarap oǵan qatań jaza qoldanýdy surady.

"Sottalýshyǵa qatysty jaýaptylyqty aýyrlatatyn mán-jaılar anyqtalmady, jas balalardyń bolýy jáne kіnásіn moıyndaýy jazany jeńіldetetіn faktorlar dep tanyldy. Sot sottalýshyny QK-nіń 99-babynyń 1-bólіgі boıynsha qasaqana adam óltіrgenі úshіn kіnálі dep tanyp, 11 jylǵa bas bostandyǵynan aıyrý jazasyn taǵaıyndady. Úkіm zańdy kúshіne engen joq", – delіngen Almaty sotynyń habarlamasynda.