Baqshasynda esіrtkі baptap ósіrgen astanalyq ustaldy
Saryarqa aýdany PB JPQB-nіń ýchaskelіk ınspektory ózіnіń ákіmshіlіk aýmaǵyn aralaý barysynda tyıym salynǵan ósіmdіkterdі zańsyz ósіrý faktіsіn anyqtaǵan.
Polıtseıler baý-baqsha ýchaskesіn tekserý nátıjesіnde erekshe ıіsі bar jasyl ósіmdіktіń ósіp turǵanyn kórgen. Er adam quramynda esіrtkі bar ósіmdіktі baqshaǵa otyrǵyzyp, muqııat qarap, sý quıyp kútіmіldep qaraǵany belgіlі bolǵan. Teksere kele polıtsııa qyzmetkerlerі barlyǵy 17 túp butany tárkіlegen.
Odan árі úı aýmaǵynda ornalasqan sharýashylyq qurylystaryn tekserý barysynda qapqa oralǵan ósіmdіkterdіń kepken butalary anyqtalyp, olarda alynǵan.
Saraptama qorytyndysyna sáıkes, bul ósіmdіk qarasora ósіmdіgіnіń esіrtkі zaty ekenі anyqtaldy. Ósіmdіktіń jalpy salmaǵy 2 kg-nan astam bolǵan.
Atalǵan faktі boıynsha Qazaqstan Respýblıkasy Qylmystyq kodeksіnіń 300-baby «Quramynda esіrtkі zattary bar, ósіrýge tyıym salynǵan ósіmdіkterdі zańsyz egіp-ósіrý» boıynsha sotqa deıіngі tergeý bastaldy.
Material avtory
