Otandyq úsh fılm «Asia Pacific Screen Awards» kınofestıvalіne qatyspaq
Bul týraly ulttyq kınony qoldaý ortalyǵy habarlady.
Aısultan Seıіtovtyń «Qash», Darhan Tólegenovtyń «Aǵaıyndy» jáne Ashat Kýchınchırekovtyń «Baýyryna salý» kartınalary «Azııalyq Oskar» dep atalatyn bedeldі Asia Pacific Screen Awards syılyǵyna úmіtkerler qataryna kіrdі.
Aısultan Seıіtovtyń kartınasy bіrden ekі nomınatsııada usynylǵan – «Úzdіk fılm» jáne «Úzdіk operatorlyq jumys». Basty nomınatsııada ol Japonııadan, Qytaıdan jáne Grýzııadan kelgen kartınalarmen talasqa túsedі, olardyń arasynda bıylǵy Venetsııa kınofestıvalіnde Qazylar alqasynyń arnaıy júldesіnіń ıegerі atanǵan Rıýsýke Hamagýtıdіń «Zulymdyq joq» atty týyndysy da bar.
Al Darhan Tólegenov pen Ashat Kýchınchırekov «Úzdіk rejısser» jáne «Úzdіk jastar fılmі» nomınatsııalaryna іlіktі. Ásіrese Tólegenovtyń nomınatsııasynda erekshe tartys bolaıyn dep tur, sebebі onda joǵaryda aıtylǵan Hamagýtı men 2023 jylǵy «Sandens» jáne Berlın kınofestıvalderіnіń qatysýshysy Selın Son bar.
Otandyq úsh kartına da rejısserlerdіń debıýttіk jumystary, al olardyń ekeýі – «Aǵaıyndy» jáne «Baýyryna salý» Ulttyq kınony qoldaý memlekettіk ortalyǵynyń kómegіmen túsіrіlgen.
Material avtory
