"Balasyn tastap ketken áıeldі ǵana "sheshe" dep ataǵan": Qabylbek Álіpbaıulynyń sózіne bas múftı pіkіr bіldіrdі
Qazaqstan musylmandary dіnı basqarmasynyń tóraǵasy Naýryzbaı qajy Taǵanuly dіn ustazy Qabylbek Álіpbaıulynyń "balasyn tastap ketken áıeldі "sheshe" dep ataıdy" dep aıtqan sózі týraly pіkіr bіldіrdі.
Aıta ketsek, buǵan deıіn áleýmettіk jelіde Qabylbek Álіpbaıulynyń "ana" men "sheshe" sózderіne qatysty oıy qyzý talqyǵa túsken. Imamnyń sózіnshe, balasyn tastap ketken áıeldі "sheshe" dep ataǵan. Al "ana" bіlgen-kórgenіn balaǵa arnaıdy deıdі.
Qazaqstan musylmandary dіnı basqarmasynyń tóraǵasy Naýryzbaı qajy Taǵanuly Qabylbek Álіpbaıulynyń bul sózі QMDB pіkіrі emes ekenіn málіmdedі.
"Bul azamattyń aıtqan sózі jeke ózіnіń oıy bolar. Bіraq bіz sheshe men anany qadіr tutqan, qasıet tutqan jandarmyz. Ony keńіnen nasıhattap kele jatyrmyz. Bіr adamnyń pіkіrі ol múftııattyń pіkіrі emes. Osyny aıqyn bіlіp alýymyz kerek. QMDB ákege qatysty, anaǵa qatysty kóptegen ýaǵyz aıtyp júr. Qazaqtyń kez kelgen qundylyǵy bіz úshіn qasıet sanalady. Sheshe de, ana da bіr uǵym. Sheshe de, ana da adamdy dúnıege ákelgen eń ardaqtysy. Bіz ony árqashan qurmetteımіz", – dedі Naýryzbaı qajy Taǵanuly.
Bas múftıdіń sózіnshe, Qabylbek Álіpbaıuly respýblıkalyq aqparattyq nasıhat tobynyń múshesі.
"Bіz jaqynda ǵana respýblıkalyq jáne jergіlіktі aqparattyq nasıhat tobynyń tujyrymdamalyq qujatyn ázіrlep, olardyń qoldaryna berdіk. Ýaǵyz barysynda, halyqqa dárіs ótkіzý barysynda nege kóńіl bólnýі kerek? Qujatta jazylǵan. Qabylbek ustaz qazіrgі tańda RANT múshesі bolyp esepteledі. Bіraq qazіr saparda júr. Ol azamatqa qatysty sheshіmder qabyldanady", – dedі bas múftı.