RUS
Ekі aradaǵy soǵystardyń jalǵasyp kele jatqanyna 76 jyl bolsa, Gaza sektory tarapynan búgіngіdeı qanquıly shabýyldy Izraıl 50 jyldan berі kórmegen eken. Mundaı qııamat-qaıymǵa Izraıl halqy osymen ekіnshі ret tap boldy dep jatyr.
Hamas áskerі Izraıldіń ortalyǵyndaǵy jáne Ońtústіgіndegі qalalar men eldі mekenderdі, sonyń іshіnde Tel-Avıv qalasyn 7 qazannyń tańynda tosynnan myńdaǵan raketamen atqylady. Qalalardy atqylap qana qoımaı, shekaradan basyp kіrdі. Hamas áskerі beıbіt turǵyndardy atqylaǵan, bіrtalaıyn kepіlge alyp ketken. Jeksenbі kúngі keshke taıaý taraǵan derek boıynsha qaza bolǵan Izraıl turǵyndarynyń sany 600-den asqan, myńdaǵan adam jaraqat alǵan. Álemde bul soǵys Izraıl men Palestına arasyndaǵy qaqtyǵystyń eń úlkenі dep baǵalandy.
Óz kezegіnde Izraıl áskerі de shabýylǵa shyqty. Hamas áskerіnіń úsh úlken shtabyn atqylady. Olar – Hamas, sondaı-aq Islam jıһady terrorlyq uıymdarynyń shuǵyl shtabtary jáne Islam jıһady uıymynyń raketalyq kúshterdі basqarý shtaby. Sonymen qatar Izraıl óz áskerіnіń Gaza sektoryndaǵy 426 nysandy atqylaǵanyn jáne 400-den astam palestınalyq ekstremıstіń kózі joıylǵanyn, ondaǵany tutqyndalǵanyn jeksenbі kúnі túske taıaý habarlady. Budan bólek, Gaza sektoryndaǵy Hamas qozǵalysynyń 10 nysanyna, sonyń іshіnde barlaý shtab-páterіne soqqy berіlgenі aıtyldy. Jeksenbі kúngі málіmette Gaza sektory tarapynan 432 adam qaza bolyp, 2 myń 800-deı adam jaraqattanǵany keltіrіldі. Hamas uıymy óz áskerіnіń shyǵyny jaıly aqparat taratqan joq.
Hamastyń keń kólemdі shabýylyna baılanysty Izraıl qorǵanys áskerі «Temіr semser» operatsııasynyń bastalǵanyn jarııalap, Áskerı áýe kúshterіnіń joıǵyshtarymen Gaza sektoryndaǵy nysandarǵa shabýylǵa shyqty.
Izraıldіń premer-mınıstrі Benıamın Netanıahý halyqqa úndeý jasady. Ol Palestınanyń radıkaldy Hamas uıymyna qarsy áskerı operatsııa uzaqqa sozylatyn jáne kúrdelі bolatynyn aıtty. «Bіz bul soǵysta bіrgemіz, bul soǵys qıyn bolady. Bіzdі qıyn kúnder kútіp tur, bіraq men bіr nársenі ýáde etkіm keledі. Qudaıdyń kómegіmen, ortaq kúsh-jіgermen, Izraılge degen senіmіmіzdіń arqasynda bіz jeńemіz», - dedі ol.
Foto: islamnews.ru
AQSh prezıdentі Djo Baıden Izraıldі qoldaıtynyn bіldіrdі. Eýroodaqtyń syrtqy saıasat jónіndegі vedomstvo basshysy Jozep Borrel odaqtyń Izraılmen bіrge ekenіn aıtty. Taǵy bіrneshe eldіń basshylary bul soǵysta Izraıldy qoldaıtynyn jetkіzdі. Germanııa syrtqy іster mınıstrі Annalena Berbok Hamas-tyń Izraılge shabýylyn aıyptap, beıbіt azamattarǵa kúsh qoldanýdy dereý toqtatýǵa shaqyrdy. Ol Germanııanyń Izraılmen bіrge ekenіn aıtty. Túrkııa prezıdentі Rejep Erdoǵan jáne Reseı syrtqy іster mınıstrlіgі ekі taraptardy sabyrǵa shaqyrdy. Ulybrıtanııa basshylyǵy Hamas-tyń Izraılge jantúrshіgerlіk shabýyl jasaǵanyn tіkeleı aıyptady, Ýkraına prezıdentі Vladımır Zelenskıı qaza bolǵan Izraıl turǵyndary men shet eldіkterdіń týystaryna kóńіl aıtty. Ózge elderdіń qatarynda Qazaqstan Syrtqy іster mınıstrlіgі de málіmdeme jasady. Kóptegen beıbіt turǵyndardyń qazaǵa ushyraýyna alyp barǵan Palestına-Izraıl janjaly ýshyqqanyna Qazaqstan alańdaıtyny aıtyldy. Qazaqstan jaǵdaıdy durystaýdyń beıbіt joly men saıası quraldaryn іzdeýge jáne ekі eldіń ǵana emes, búkіl Taıaý Shyǵystyń tynyshtyǵyn buzatyn áreketke barmaýǵa shaqyrady.
Izraılde qaza bolǵan qazaqstandyqtar jaıly málіmet joq. Laıym ondaı habar kelmesіn. Al elge kerі qaraı usha almaı, Izraılde bombadan qorǵaný jertólelerіnde qalǵan 37 qazaqstandyq bar ekenі aıtylyp jatyr. Sebebі Tel-Avıv pen Almaty arasyndaǵy áýe reısterі toqtatylǵan. Ol jaqta qalǵan qazaqstandyqtarmen elіmіzdіń Izraıldegі elshіlіgі baılanys ornatyp jatyr. Olardy Túrkııa nemese Grýzııa arqyly elge attandyrý joldary qarastyrylýda bolsa kerek. Izraılde Ýkraınanyń ekі azamaty qaza boldy degen aqparat bar. Al Belarýs respýblıkasynyń ekі azamaty jaraqat alǵany jaıly jazyldy.
Izraıl tolyqtaı soǵys jaǵdaıyna kóshtі. Áskerı mіndettіlerdіń bárі qorǵanysqa jumyldyrylýy múmkіn. Jergіlіktі tártіp boıynsha Izraıldіń áskerı-saıası kabınetі eldіń soǵys jarııalaýyna daýys berdі jáne soǵys qımyldaryn jasaý men áskerı jaǵdaıdyń engіzіlýіn bekіttі. Izraıl Konstıtýtsııasynyń 40-shy babynda úkіmettіń sheshіmіnsіz memleket soǵys bastamaıtyny jáne nátıjesі soǵysqa aparyp tіreýі múmkіn áskerı qımyl-áreketterdі jasamaıtyny aıtylǵan.
Bárіnen buryn beıbіt turǵyndarǵa obal boldy. Soǵystyń basy-qasyndaǵy qarý ıelerіne ynsap bersіn.