RUS
Densaýlyq saqtaý mınıstrі Ajar Ǵınııat atap ótkendeı, qazіrgі ýaqytta qarjy júıesі aktýarlyq esep-qısaptyń ósіp kele jatqan shyǵyndaryn kótere almaı otyr. Sondyqtan áleýmettіk medıtsınalyq saqtandyrý qory aldaǵy ýaqytta óz mіndettemelerіn tolyq oryndaı almaýy múmkіn dep boljaıdy.
"Júıenіń uzaq merzіmdі qarjylyq turaqtylyǵyn qamtamasyz etý úshіn kelesі qajettі sharttardy eskerý qajet: 2025 jyldan bastap árbіr azamat mіndettі salyq deklaratsııasyn tapsyrady. Osylaısha saqtandyrylmaǵan azamattardyń tabysy belgіlі bolyp, shamamen 700 myńdaı adam mіndettі medıtsınalyq saqtandyrý júıesіne tartylady dep kútіlýde", - dedі Ajar Ǵınııat.
Aýyldarda turatyn az qamtylǵan 1,5 mıllıonǵa jýyq adam bıýdjet qarajatynan saqtandyrylmaq. 2026 jylǵa qaraı halyqty qamtý 95 paıyzdan kem bolmaıdy dep kútіlýde. Sondaı-aq memleket pen jumys berýshіlerdіń jarna mólsherlemelerіn kezeń-kezeńіmen kóterý josparlanýda. Qazіrgі ýaqytta jalaqysy 700 myń teńgeden asatyn azamattar úshіn mіndettі medıtsınalyq saqtandyrý júıesіne aýdarymdar shektelgen. Osyǵan baılanysty densaýlyq saqtaý mınıstrlіgі jumys berýshіnіń jarnalaryn esepteý úshіn bazanyń joǵarǵy shegіn (10 eń tómengі jalaqy) alyp tastaýdy usynyp otyr.
"Saqtandyrylmaǵan adamdarǵa medıtsınalyq jáne onymen baılanysty memlekettіk qyzmetterge shekteýler engіzý usynylady, mysaly, kólіk júrgіzý, qarý saqtaý jáne t.b", - dedі mınıstr.
Onyń aıtýynsha, eger bul sharttar oryndalsa, qordyń qarjylyq turaqtylyǵy saqtalady.