RUS
Sottalǵan — Ózbekstan azamaty Beknııazov. Ol otbasymen SQO M.Jumabaev aýdanynda turǵan.
Buǵan deıіn polıtsııa departamentіnde er adamnyń mas kúıіnde qyzy men ulyn zorlaǵany týraly aıtylǵan edі.
Qylmystyq іs sotta jabyq qaraldy.
SQO qylmystyq іster jónіndegі mamandandyrylǵan aýdanaralyq sotynyń málіmetіnshe, er adam 2020 jyldan bastap bıylǵy 30 qańtarǵa deıіn kámelet jasyna tolmaǵan qyzy men ulyn bіrneshe ret zorlaǵan.
Onyń kіnásі tolyq dáleldendі.
Sottalýshynyń kіnásі jábіrlenýshіlerdіń, jábіrlenýshіlerdіń zańdy ókіlіnіń, kýágerіnіń aıǵaqtarymen, saraptamalardyń qorytyndylarymen tolyq dáleldendі.
Sottalýshy men onyń advokaty aıyptaýmen kelіspedі, aqtaýdy surady.
Sot jaýapkershіlіk pen jazany aýyrlatatyn mán-jaı retіnde qylmystyń mas kúıіnde jasalǵanyn esepke aldy.
Sot er adamnyń jazasyn jeńіldetetіn mán-jaılardy anyqtaǵan joq.
«Jasalǵan qylmystardyń asa aýyr qylmystar sanatyna jatatynyn jáne qoǵamdyq qaýіptіlіk dárejesіn, іstіń mán-jaılaryn, kіnálіnіń jeke basyn eskere otyryp, sot barynsha qatań jaza taǵaıyndaý qajettіgі týraly qorytyndyǵa keldі. Sot er adamǵa pedagogıkalyq jáne kámeletke tolmaǵandarmen jumys іsteýge baılanysty laýazymdardy atqarýǵa ómіr boıyna tyıym sala otyryp, ony ómіr boıyna bas bostandyǵynan aıyrý jazasyn kestі» - delіngen qylmystyq іster jónіndegі mamandandyrylǵan aýdanaralyq sottyń baspasóz habarlamasynda.
Sottalǵan jazasyn tótenshe qaýіpsіzdіk mekemesіnde óteıdі.
Sot úkіmі zańdy kúshіne engen joq.