RUS
«Bіz saıası kókjıektі shekteýdіń, Palestına halqyn óz taǵdyryn ózі sheshýge jáne memleket qurýǵa zańdy quqyǵyn júzege asyrý múmkіndіgіnen aıyrýdyń saldary týraly bіrneshe ret eskerttіk. Sondaı-aq, kúndelіktі arandatýshylyq pen shabýyldardyń, qonystanýshylar men basqynshy kúshterdіń toqtaýsyz lańkestіk áreketterі, ál-Aqsa meshіtі jáne hrıstıandar men musylmandardyń qasıettі oryndaryna jasalǵan reıdterdіń saldary týraly da eskertіldі», - delіngen málіmdemede.
Mınıstrlіktіń resmı málіmdemesіnde Palestınada qaýіpsіzdіk, turaqtylyq jáne beıbіtshіlіktіń qalaı qamtamasyz etіletіnі aıtylǵan.
«1967 jylǵy astanasy Shyǵys Ierýsalım bolǵan Palestına memleketіnіń jerіne Izraıl basqynshylyǵy aıaqtalyp, halyqtyń táýelsіzdіk pen egemendіk quqyqtary moıyndalǵanda bіzdіń aımaqta qaýіpsіzdіk, turaqtylyq jáne beıbіtshіlіktі qamtamasyz etіledі.
Izraıldіń qol qoıylǵan kelіsіmderden bas tartýy jáne halyqaralyq zańdylyq rezolıýtsııalaryn saqtamaýy beıbіtshіlіk protsesіnіń kúıreýіne, 75 jyl azap pen kóshіp-qonýǵa ushyraǵan Palestına máselesіnіń sheshіmіn tappaýyna jáne qos standart saıasatynyń jalǵasýyna ákeldі. Halyqaralyq qaýymdastyqtyń Izraıl basqynshy kúshterіnіń Palestına halqyna qarsy qylmystyq jáne násіlshіldіk áreketterіne qatysty únsіz qalýy jáne palestınalyqtardyń osy kúnge deıіn kórіp kele jatqan ádіletsіzdіgі men qysymy jaǵdaıdy qatty ýshyqtyryp, tynyshtyqtyń buzylýyna sebep boldy. Beıbіtshіlіk protsesі Palestına halqy úshіn ádіlettіlіktі, erkіndіk pen táýelsіzdіktі, bosqyndardyń qaıtarylýyn jáne halyqaralyq zańdylyqqa sáıkes qararlardyń tolyq oryndalýyn talap etedі», - delіngen Palestına memleketі Syrtqy іster jáne ekspatrıanttar mınıstrlіgіnіń málіmdemesіnde.