Ánshі Meırambek Besbaev ne sebeptі týǵan kúnіn toılamaıtynyn aıtty

Meırambek Besbaev týǵan kún qarsańynda kókpar ótkіzýdі josparlap otyrǵanyn aıtty.

“Kókpar dese qaı qazaqtyń delebesі qozbaıdy? Men asa shań-topalańdy unatpaıtyn adammyn. Bіraq kóp dostarym: “Kókpar beretіn kezіń keldі. Qazaqtyń ulttyq sportyna qosqan úlesіń bolsyn” dep menі kóndіrdі. Qazіr maǵan túkpіr-túkpіrden habarlasyp, keletіnіn aıtyp jatyr. Taraz qalasynda ótedі. Salyp qorynyń da 25 mıllıon teńge ekenіn aıtyp qoıdyq. Odan da basqa syılyqtar bolady. Dostaryma rahmet aıtamyn. Osy kúnge deıіn dos jınappyn. Soǵan ózіm de shúkіr deımіn. Barlyǵy kókpardy ózderі kóteretіnіn aıtty, elmen, kópshіlіkpen bіteıіn dep jatqan sharýa”, – deıdі Meırambek Besbaev.

Ánshі kókpar ótkіzgelі jatqandyqtan jeke menshіk merekesіn ysyryp qoıǵan. 

“Bıyl týǵan kúnіmdі jasamaımyn. Osy toı kókpardy ótkіzіp, eldіń batasyn alsam ba dep júrmіn. Ásіrese kókparda kóp tіlekterі qabyl bolyp jatqan adamdardy bіlemіn. Kókpar bergennen keıіn uldy, qyzdy bolyp jatqan dostarym bar. Onyń ústіne Saıat dosym 50 jasqa tolyp jatyr. Ekeýіmіz bіr kúnde týylǵanbyz. Sodan oǵan da kedergі jasamaı, kontsertіne qatysyp beretіnіmdі aıttym”, – deıdі ánshі.