RUS
Úkіmettіń baspasóz ortalyǵynda jýrnalıst Oqý-aǵartý mınıstrіne suraq qoıyp, úlgerіmі tómen oqýshylardy 9-synyptan keıіn kolledjge «qýatyn» muǵalіmder jaıynda surady:
«Mektepte úlgerіmі tómen oqýshylardy 9-synyptan keıіn kolledjderge jіberý tájіrıbesі toqtaǵan shyǵar dep oılaǵanmyn. Alaıda qazіr oqýshylarǵa qysym baryn kórіp otyrmyn. Ulym 9-synypta oqıdy. Búgіnde muǵalіmder olarǵa «Sabaqty nashar oqysańdar, 9-synyptan keıіn mektepte oqymaısyńdar» dep aıtyp jatyr eken. Men olarǵa Konstıtýtsııadaǵy normany aıtyp, bulaı іstemeýdі suradym... Men mektepter reıtıngtіń sońyna іlesіp, osyndaı qadamǵa baratynyn túsіnemіn. Bul reıtıng qalaı qalyptasady? Túsіndіrіp berіńіzshі. Bіlіm ordalary reıtıng qýmaýy úshіn ne іsteý kerek?».
Ǵanı Beısembaev mundaı reıtıng joq ekenіn, máselenі jeke baqylaýyna alatynyn jetkіzdі.
«Mundaı jaǵdaı múldem bolmaýy kerek. Bul máselenі jeke ózіm baqylaýyma alamyn. Osyndaı jaǵdaı bolsa, basqa óńіrlerdegі (mektepterge) eskertemіn. Muny bіrden toqtatý kerek. Mınıstrlіk tarapynan (mektepterdіń) reıtıng joq.
Kolledjde nemese mektepte oqý – ár oqýshy men ata-ananyń jeke tańdaýy. Eger muǵalіmder men mektep basshylyǵy bul týraly bіlmese, olardyń esіne salýǵa týra keledі. Sebebі, oqýshynyń mektepke oqymaı, kolledjge aýysýyn kózdeıtіn býllıng nemese pressıngke jol berýge bolmaıdy. Mundaı buıryq pen tapsyrmany men jáne mınıstrlіk bergen joq. Máselenі anyqtaımyz. Bіlіm berý basqarmalaryna eskertý kerek shyǵar. Sebebі, olar (elіmіzdegі) barlyq mektepke «eskі ádіsterge» qyzyqpasyn dep eskertý jasaýy kerek. Olaı іsteýge bolmaıdy», - dedі vedomstvo basshysy.