RUS
Búgіn tańǵy 8:00-de Izraıldegі qazaqstandyqtardy elge qaıtarý úshіn arnaıy Air Astana ushaǵy attanǵan edі.
«Búgіn 10 qazanda Astana ýaqyty boıynsha saǵat 16:45-te Izraıldіń Tel-Avıv qalasynan Qazaqstanǵa repatrıatsııalyq reıs ushyp shyqty. Bortta 166 jolaýshy bar, olardyń іshіnde 124 QR azamaty jáne 42 sheteldіk azamat. Búgіn keshke ushaq Almaty qalasyna keledі dep kútіlýde», - dep jazylǵan mınıstrlіktіń habarlamasynda.
Aıta keteıіk, Izraıldegі Qazaqstan elshіsі Satybaldy Burshaqov Kazinform agenttіgіne bergen eksklıýzıv suhbatynda Qazaqstan azamattaryn evakýatsııalaý jumysy qalaı júrіp jatqanyn baıandaǵan edі.
«Qazіrdіń ózіnde Qazaqstannyń 150 azamatyn tіzіmge tіrkedіk. Arnaıy reıstіń ashylǵanyn tańerteń jarııalaǵandyqtan, kúndіz qońyraý shalǵan adam kóp boldy. Baǵana aıtqandaı, bіz tіzіmdі áý bastan jasap qoıǵanbyz, kіmnіń qaıda ekenіn aldyn ala bіlіp otyrdyq. Sonyń arqasynda jumys jeńіl óttі», - dedі Satybaldy Burshaqov.