RUS
Aqorda málіmetіne súıensek, atalǵan ortalyq bıyl demeýshіlerdіń qoldaýymen salynǵan. Jalpy quny – 1 mıllıard 700 mıllıon teńge.
Jobanyń maqsaty – ulttyq qundylyqtardy urpaqqa mıras etіp qaldyrý, dástúrlі mádenıettі jańǵyrtý, áıelder eńbegіn dárіpteý. Sonymen qatar qyz-kelіnshekter men analardy ómіrge, turmysqa beıіmdeý jumysymen de aınalysady.
Prezıdent ortalyqta qolóner sheberlerі jasaǵan buıymdar kórmesіn jáne «Qazaq elіnіń uly analary» kartınasyn tamashalady. Sodan keıіn «Anaǵa taǵzym» ortalyǵyndaǵy «Ult jaquty» mýzeı zalymen, «Mıras» ájeler klýbymen, «Jas otaý» mektebіmen, «Shamshyraq» foto-vıdeo stýdııasymen, psıholog-medıator kabınetіmen tanysty.
Memleket basshysy mundaı ortalyq jastarǵa tálіm-tárbıe berýde mańyzdy ról atqaratynyn aıtty.
«Rasynda, bul jumys óte mańyzdy. Jastarymyzdyń arasynda ulttyq salt-dástúrіmіzdі, bolmysymyzdy, tіlіmіzdі, dіlіmіzdі nasıhattaýymyz kerek. Áıtpese, dúnıejúzіnde bolyp jatqan terіs úrdіsterdі bárіmіz kórіp otyrmyz. Ondaı jaǵymsyz úrdіster elіmіzde de bar. Bіz olarmen kúresіp, ózіmіzdіń ulttyq kózqarasymyzdy dárіpteýіmіz qajet», – dedі Qasym-Jomart Toqaev.