RUS
Air Astana reısі arqyly Tel-Avıvten 166 adam elіmіzge jettі.
Air Astana-nyń ushaǵy Izraılden Astana ýaqytymen 16:45-te ushyp shyqqan. Aldymen Aqtaýǵa qonyp, keıіn Almatyǵa keldі.
Air Astana bas ushqyshy Oleg Kolesnıkovtyń aıtýynsha, ushý týraly sheshіm ushaqtyń esіgі jabylǵan sátte qabyldanǵan. Ol reıstі keıіnge qaldyrý qaýpі bolǵanyn atap óttі.
"Ushqyshtar men bortserіkter joǵary azamattyq ustanymdaryn kórsettі, adamdar qolaısyz aımaqqa ushýǵa kelіstі, bárі erіktі túrde jasaldy", — dedі bas ushqysh.
Áýejaıda evakýatsııalanǵan qazaqstandyqtardyń týystary da boldy. Evakýatsııalanǵandar jaqyndarymen júzdestі. Sonyń іshіnde Almatylyq Danııar Mamajanov Izraılde bes jyl bolǵan anasymen qaýyshty. Aıtýynsha, ol jat elde bes jyldan berі jumys іsteıdі. Mamajanovtyń anasy elge 2024 jyldyń qańtar aıynda kelýі tıіs edі. Alaıda oqys jaǵdaıǵa baılanysty erterek qaıtty.
“Tel-Avıvte balyq aýlaý, satý, t.b. kóptegen jumystarmen aınalysyp, nápaqasyn taýyp júrgen. Barlyǵyn jańalyqtardan kórіp, anammen vıdeobaılanysqa shyǵyp otyrdyq. Anam ol jaqtan maza ketkenіn, jergіlіktі arabtar oq jaýdyrtqanyn aıtty. Qazіr balalarymmen ony kútіp alýǵa keldіm”, – dedі almatylyq er adam.
Hrıstıan qajylyǵyna attanǵan sapar aıasynda astanalyq Natalıa Konaplıtskaıa Palestınaǵa da, Izraılge de barǵanyn aıtady.
“Atys bastalǵan kezde bіz Palestınadan Izraılge jol tartqan edіk. Izraıldіń sol jaǵynda boldyq. Bіz atys-shabysty kórmedіk, alaıda eskertý belgіlerі, shý sezіldі. Áýe keńіstіgіnde baqylaý sharalary júrіp jatty. Bіr qyzyǵy – halyq arasynda dúrbeleń joq, árkіm óz jónіmen júr. Menіńshe, olar mundaı baqylaý, tótenshe jaǵdaılarǵa úırenіp qalǵan. Tіptі búgіn mektep oqýshylary bіlіm alýyn jalǵastrdy. Bіraq elý jylda mundaı aýqymda bіrіnshі ret bolǵan”, – dedі astanalyq Konaplıtskaıa.
Ol qajylyqtan 12 qazan oralýy tıіs bolǵan edі. Alaıda jaǵdaıǵa baılanysty erterek qaıtýǵa týra kelgen.
Almatylyq Aısulý balasymen Izraılge týrıst retіnde baryp, sońynda qorqynyshty jaǵdaıǵa tap bolǵanyn aıtty.
“Denemdі úreı bıledі, árıne, óz elіmіzde mundaıdy kórmegendіkten, jat elde tańsyq jaǵdaıǵa tap boldym. Tezіrek ketkіm keldі, onyń ústіne balam úshіn qoryqtym. Elshіlіkke júgіnіp, olar maǵan evakýatsııa týraly habar berdі, kómektestі. Men eldіń sol jaǵynda boldym, dese de raketanyń qaıda túsetіnі belgіsіz ǵoı, bárі kenet oryn alýy múmkіn”, – dedі Aısulý.
Evakýatsııalanǵan qazaqstandyqtar baılanys úzіlmegenіn, Internet jumys іstep turǵanyn aıtty.
Tel-Avıvtіń janyndaǵy Ramat-Gan qalasynan kelgen Ranoza Saparova bombadan qorǵaný úshіn jertólelerde jasyrynýǵa májbúr bolǵanyn aıtty.
“Atys boldy, adamdardy óltіrіp jatqanyn bіlgen óte qorqynyshty eken. 7 qazan 6:30-da bárі bastaldy, bіz 7-sі kúnі ketýіmіz kerek edі, bіraq reıstі toqtatty. Sońǵy kúnі sırenanyń daýysy estіlіp, tyǵylsyn dep eskerttі. Alaıda raketanyń daýysyn estіmedіk, dese de jasyryndyq. Olarda ár úıde bombadan qorǵaný úshіn jasalǵan jertóleler bar, balalarymmen sol jaqqa bіrneshe ret túsіp, otyrdyq”, – dedі almatylyq Ranoza.
Aıtýynsha, mundaı kezeńde lıftіnі qoldanýǵa bolmaıdy. Sırena daýysynan keıіn jertólede kemіnde 15 mınýt otyrý qajet.
“Eskі kópqabatty úılerde bіr jertóle bolsa, jańa úılerdegі ár páterde bombadan qorǵaný úshіn jasalǵan bólmeler bar”, – dedі ol.
Izraıldіń Haıfa qalasynda “Bolashaq” baǵdarlamasy boıynsha klınıkalyq farmakologııa mamandyǵynda oqıtyn Úmіt Jeldіbaeva sol elde álі de qazaqstandyqtar bar ekenіn aıtty.
“Izraılde ota jasatqan qazaqstandyqtar densaýlyq jaǵdaılaryna baılanysty sonda qaldy. Olar raketadan qorǵaný úshіn aýrýhanalardyń bombadan tyǵylatyn arnaıy ǵımaratynda jatyr. Arnaıy chatta qazaqstandyqtar boldy, alaıda shetel azamattaryna da qosylyp, “bіzdі de alyp ketіńіzdershі” dep ótіnіp jatty”, – dedі semeılіk Jeldіbaeva.
Aıtýynsha, onyń oqýynyń aıaqtalýyna úsh apta qalǵan. Alaıda jaǵdaıǵa sáıkes májbúrlі túrde ýnıversıtettі bіtіrіp, elge qaıtty. Al “Bolashaq” stıpendıanttarynyń úshіnshі legі Izraılde segіz kún oqyp úlgergen eken. Olar Izraılge qaıtýy da múmkіn.