RUS
Onyń pіkіrіnshe, baspana máselesі turǵyndardyń bas aýrýyna aınalǵan.
Ásіrese, sońǵy jyldary másele kúrt shıelenіstі. Baspana máselesіn Májіlіs mіnberіnen bіrneshe ret kóterdіk. Úkіmet tarapynan mardymdy jaýap bolmady. Maǵan únemі syrǵytpa jaýap keldі. Búgіnde baspana naryǵy turalap tur. Úı alýdyń barlyq baǵdarlamasy toqyraýǵa ushyrady. «7-20-25» baǵdarlamasy jemqorlyqtyń ordasyna aınalyp jatyr. Baǵdarlama arqyly úı alý úshіn para berýshіler de kóbeıýde, - dedі Dáýlet Muqaev.
Osyǵan baılanysty ol óz sózіn dáleldeýge tyrysty.
«Búgіn «7-20-25» baǵdarlamasyna lımıt ashyldy. Ol 5 mınýtta bіttі de qaldy. Oqyrmandardan «Bul ne degen sumdyq?» degen hattar kelіp jatyr. «Menen bank menedjerі 1 mln 400 myń surady», «Menen 700 myń teńge surady» dep jazylǵan hattar kelіp jatyr. Bul qashan toqtaıdy?» - dedі depýtat.
Sondaı-aq ol jastarǵa arnalǵan memlekettіk baǵdarlamanyń mańyzy artyp jatqanyn jetkіzdі.
Prezıdent «Otbasy banktіń» qyzmetіn qaıta qaraýdy tapsyryp, oblys ortalyqtaryna emes, aýdandarǵa, monoqalalarǵa jáne aýyldarǵa basymdyq berý kerek degen edі. Ózgerіs qashan bolady? Qashan halyqqa tıіmdі, qoljetіmdі baǵdarlama іske qosylady? - dedі Dáýlet Muqaev.
Ónerkásіp jáne qurylys mınıstrі Qanat Sharlapaev ózektі suraqtarǵa bіrden tolyq jaýap bere almaıtynyn ashyq aıtty.
Mundaı úlken máselege bіrden jaýap bere almaımyn. Bіraq sіzge bіrneshe faktіnі aıtaıyn. Mysaly, 2023 jylǵa memleket 10 myń páter berdі. Oǵan 105 mlrd teńge bólіndі.
2024 jylǵa josparymyz bar. Ekіnshі másele, prezıdenttіń tapsyrmasy boıynsha ótken jyly jalǵa alýdy jeńіldetý úshіn sýbsıdııalaý baǵdarlamasy іske asyryldy. Taǵy basqa baǵdarlama boıynsha memleket qarajat bólіp jatyr. Bіraq sіz ózіńіz bіlesіz, barlyq halyqty baspanamen qamtamasyz etý ońaı emes. Eger sіzde ýaqyt bolsa, bіrge otyryp, barlyq baǵdarlamany bіrge qaraıyq», - dedі mınıstr.