Túrkіstanda 5 jasar qyzdyń ólіmіnen keıіn qyzmetіnen ketken sot tóraǵasy sýdıa laýazymyna taǵaıyndaldy
Túrkіstan oblysynda 5 jasar qyzdy óltіrgen er adamǵa odan buryn jeńіl úkіm shyǵarǵan aýdandyq sottyń burynǵy tóraǵasy Nurǵazy Shetenov jańa laýazymǵa ıe boldy.
Atalǵan oqıǵadan keıіn aýdandyq sot tóraǵasy Nurǵazy Shetenov qyzmetіnen óz erkіmen ketý týraly aryz jazǵan bolatyn.
22 qyrkúıekte Joǵarǵy sot keńesі prezıdentke Shetenovtі "Sot júıesі jáne sýdıalardyń mártebesі týraly" konstıtýtsııalyq zańnyń 34-baby negіzіnde osy sottyń sýdıasy qyzmetіne qaldyryp, aýdandyq sottyń tóraǵasy qyzmetіnen óz erkіmen bosatýdy usynǵan.
Shetenovtіń sýdıa bolyp taǵaıyndalǵanyn Túrkіstan oblystyq soty rastady. Ol qazіr densaýlyǵyna baılanysty "eńbekke jaramsyzdyq paraǵymen" demalys aldy.
Shetenov ózі jaıly daýly pіkіrlerden keıіn, 7 qyrkúıekte óz erkіmen jumystan ketý jónіnde ótіnіsh jazǵan.
– Joǵarǵy keńestіń usynysy boıynsha prezıdent jarlyǵymen Nurǵazy Shetenov Saryaǵash aýdandyq sotynyń tóraǵasy qyzmetіnen bosatyldy, sodan keıіn osy sottyń sýdıasy qyzmetіne qaıta taǵaıyndaldy, - dep habarlady oblystyq sottyń baspasóz qyzmetі.