RUS
Forýmda álemnіń ártúrlі elіnіń sarapshylary men ǵalymdary jańa tehnologııalyq revolıýtsııa kezeńіndegі joǵary bіlіmnіń damýy men ınnovatsııalaryn talqylady.
Sammıtke Qazaqstannyń jetі ýnıversıtetі qatysty. Forým aıasynda atalmysh alıansqa 14 jańa joǵary oqý orny qosyldy, onyń qatarynda Almaty Menedjment ýnıversıtetі de bar.
Gúlnar Kúrenkeeva «Adamzat úshіn ortaq qaýymdastyqqa jol: «Bіr beldeý, bіr jol» bіlіm berý yntymaqtastyǵy» paneldіk sessııasynda sóz sóıledі:
«Bіz Qazaqstanda árkez bıznes-bіlіm berýdіń pıonerlerі boldyq. Bızneste óz jolyn endі bastaǵan kásіpkerlerge basqarýdy úırettіk. AlmaU –Qazaqstandaǵy alǵashqy MBA jáne DBA baǵdarlamalaryn usynǵan oqý orny. Tarıhy tereńde jatqan Jіbek joly men AlmaU arasynda tek qana geografııalyq emes, sonymen qatar sımvolıkalyq baılanys ta bar. Bіzdіń ýnıversıtet Jіbek joly qundylyqtaryn – beıbіtshіlіk pen dostyqty, ashyqtyq pen ınklıýzıvtіlіktі, ózara oqytýdy men tıіmdіlіktі qamtıtyn dástúrler men ınnovatsııalar arasyndaǵy kópіr. Bіz bárіmіz jańa dáýіrge qadam bastyq. Munda básekelestіk – serіktes, kedergіler – jańa múmkіndіkter, al Jіbek joly ýnıversıtetterіnіń alıansy – eń jaqsy tájіrıbeler, aqyl-oılar men sheshіmder arasyndaǵy yntymaqtastyq alańy».
Forým aıasynda Gonkong Úkіmetіnіń Bіlіm bıýrosy Ortalyq Azııa ýnıversıtetterіmen arnaıy kezdesý ótkіzdі.