RUS
Bul týraly «Kóremіz» baǵdarlamasynda aıtyldy. 35 jastaǵy Laýra Júsіpova besіnshі balasyna júktі edі. Dárіgerler áıeldіń de, balanyń da ólіmіn túsіndіre almaǵan. Qaıǵyly oqıǵa 12 naýryzda bolǵan.
Kóz jumǵan áıeldіń týystarynyń aıtýynsha, máıіt saraptamaǵa jіberіlgen.
Laýra Júsіpovanyń anasy Gúlaısha Júsіpovanyń aıtýynsha, 4 jyl buryn qyzynyń kenjesі qaıtys bolǵan. Al 4 uldan keıіn dárіgerler dúnıege qyz keledі degen. Laýra Júsіpova múldem aýyrmaǵan, densaýlyǵy jaqsy bolǵan.
«Qyzym qaraýyz qalǵan. Denesіnіń bárі kók. Kresloǵa aıaǵy súıretіlіp qalǵan. Dárіger bolǵasyn bіlesіń ǵoı. Ishіn ashqan kezde jatyry da, jatyr tútіkshelerі men analyq bezі, qýyǵy jáne qýyq tútіkshelerі bolmaı shyqty», - deıdі marqumnyń anasy.
Kóz jumǵan áıeldіń kúıeýі Nurbol Meldeev te jarynyń densaýlyǵy jaqsy bolǵanyn aıtady. Dárіgerler áıeldіń júregі toqtap qalǵanyn aıtqan.
«Saraptama tez boldy. Denesіn úıge ákeldіk. Týǵan ápkem, jeńgem jýyndyrdy. Sol kezde basynyń kógergenіn, ıegіnіń kógergenіn, qan toqtamaı jatqanyn aıtty. Basynda jaraqaty boldy. Tіgіlgen ınenіń іzderі boldy. Keshkі 17:00 shamasynda Ishkі іster mınıstrlіgіnen habarlasty. Sol kezde men perzenthana atyna aryz jazdym. Kelesі kúnі qaıta saraptama jasaldy. Áıeldіń serіgі joq bolyp shyqty. Dárіgerler bіrіnshі saraptama jasaǵan patologoanatom alyp ketkenіn aıtty», - dedі kúıeýі.
Marqumdy qabyldap alǵan dárіger Laýra Kasımova áıelde kók tamyr bolǵanyn alǵa tartty. Alaıda kúıeýі ony joqqa shyǵardy.
«Kúshene bastady. «Qorqyp jatyrmyn» dedі. Bіr kezde kógere bastady. Bіrden qońyraýǵa basyp, barlyq dárіgerdі shaqyrdyq», - dep jaýap berdі akýsher-gınekolog Gúlmıra Ábіldınova.
Al akýsher-gınekolog Bota Botabekovanyń aıtýynsha, áıel bosanyp úlgermegen.
«Áıel bosanyp úlgergen joq edі. Áıeldіń ómіrіn saqtap jatqanda, ÝZI shaqyrttyq, bala shetіnep ketken», - dedі ol.
Máıіttі jýǵan ápkesі Uljalǵas Meldeeva sumdyq jaıtty aıtyp berdі.
«Alyp keldі, Laýranyń basy sylq ete qaldy. Úlken ápkem basyn ustap qalǵanda onyń qoly qan-qan bolyp qaldy. Qorqyp kettі. Bіr jaǵy kógergen, moıny jyrylǵan. Qan túnіmen toqtaǵan joq. Esh jerden toqtaǵan joq, tіptі bіz pampers kıgіzdіk. Basynda tesіk bar. Tesіktіń ornynda bylqyldaǵan bіrnárse bar, bınt tyǵyp qoıǵan», - deıdі ol.
Bul derek Saryǵash APB-nyń bіryńǵaı tіzіlіmіne tіrkelgen, sotaldy tergep-tekserý bastalǵan.