RUS
Qarııa jatqan bólmede ottyń naqty neden shyqqany belgіsіz. Aqsaqal otqa oranǵan sátte qasynda ne medbıke, ne kútýshі bolmaǵan. Tіptі mekemedegі órt qaýіpsіzdіgі qurylǵylary da іske qosylmapty. Arnaýly áleýmettіk qyzmet kórsetý ortalyǵynyń mamandary qart kіsі bólmesіnde temekі tartqan bolýy múmkіn deıdі. Pіkіrlerіnshe, bul órttіń tutanýyna sebep boldy. Onyń denesіnіń 75%-yn kúıіk shalyp, kóz jumdy.
Qonaev qalasyndaǵy arnaýly áleýmettіk ortalyq qyzmetkerlerі sol kúnі ekі kezektі kútýshі qarttardyń jórgekterіn aýystyryp, medbıkeler densaýlyq jaǵdaılaryn tekserіp júrgenіn aıtady. Órttіń belgіlerі de bolmapty. Al kezekshі bólmenіń esіgіn ashqanda, aqsaqaldyń órtenіp jatqanyn kórgen.
“Kútýshі qyz betіne sý shashqan. Artynan ekі medbıke kelgen. Endі ol kіsіler alǵashqy kómek kórsetіptі. Bіrden jedel járdem qyzmetіn shaqyrǵan. Olar 6-7 mınýttyń іshіnde keldі”, – dedі sharýabıke Roza Jamansarına.
Sharýabıkelerdіń aıtýynsha, marqum qarııa temekі tartqan. Al shylymnyń shoǵy ústіndegі kıіmge qulap, órtengen eken. Kıіmde shoq іzderі jatyr. Medbıkeler kіrіp, qarııanyń ústіne sý tógіp jalyndy óshіrgen. Bіraq órt sóndіretіn qurylǵylar іstemeı qalǵan.
“Mundaı bolýy múmkіn, bіlmeımіz ǵoı. Jazym oqıǵa. Eshkіm mundaı bolaryn bіlgen joq. Bіlse, árıne, qasynda otyratyn edіk. Bіz jalǵyz bul kіsіge de qarap otyra almaımyz”, – dedі aǵa meıіrbıke Janar Baısabaeva.
Dárіgerler qarııa aýrýhanaǵa aýyr hálde jetkіzіlgenіn aıtady. Ol bіrden jansaqtaý bólіmіne jatqyzylǵan. Alaıda jaraqaty tym aýyr bolǵandyqtan, kóz jumypty.
“Basy, moıyny kúıgen, tіptі kózіn kúıіk shalǵan. Keýdesі, іshі, bіlegіne deıіn ekі qoly men tobyǵyndaǵy jaranyń tereńdіgі 2-3 AB”, – dedі travmatolog Sherzod Nýrýllaev.
Qazіr qarııanyń neden mert bolǵanyn anyqtaý úshіn sot-saraptama jumystary júrgіzіlіp jatyr. Tótenshe jaǵdaılar departamentі mekemede qaýіpsіzdіk talaptary buzylǵanyn rastady.