RUS
Prezıdent Digital Bridge halyqaralyq forýmyna belsendі qatysqany jáne mazmundy baıandama jasaǵany úshіn Tım Dreıperge alǵys aıtty. Memleket basshysy tanymal Meet the Drapers realıtı-shoýynyń bіr epızodyn Qazaqstanda túsіrý týraly bastamany quptady.
Kezdesý barysynda venchýrlyq kapıtal men startaptar ındýstrııasyn damytý máselelerі, sondaı-aq aldaǵy josparlar men yntymaqtastyqtyń perspektıvtі baǵyttary talqylandy.
Tım Dreıper óz kompanııasynyń venchýrlyq kapıtaldy damytýda baı tájіrıbesі bar ekenіn atap óttі. Sondaı-aq Draper Fisher Jurvetson kompanııasy Ortalyq Azııa óńіrіne, atap aıtqanda, Qazaqstan naryǵyna zor qyzyǵýshylyq tanytyp otyrǵanyn jetkіzdі.
Qasym-Jomart Toqaev venchýrlyq kapıtal naryǵyn qurý úshіn Qazaqstanda berіk ınstıtýtsıonaldyq, quqyqtyq jáne qarjylyq negіz qalanyp jatqanyna nazar aýdardy. Elіmіz Draper Fisher Jurvetson sekіldі halyqaralyq venchýrlyq qorlardyń Qazaqstan naryǵyna kelýіne keń jol ashady.
Amerıkalyq ınvestor Digital Bridge halyqaralyq forýmynyń ashylýynda Qazaqstannyń tsıfrlyq qyzmet kórsetý turǵysynan basqa elderden kósh іlgerі ekenіn aıtty.
«Estonııa tsıfrlyq basqarýdyń jańa tásіlіne kóshtі. Endі bárіn onlaın retteýge bolady – parkıng úshіn tóleý, tіptі daýys berý. Osydan alty jyl buryn Qazaqstanǵa alǵash ret kelgenіmde, bul elde tsıfrlandyrýǵa qatysty kóp dúnıe josparlanyp otyrǵanyn estіgenmіn. Qazіr Qazaqstanda Kaspi bar, menіń baıqaýymsha qazіr qazaqstandyqtar qaǵaz aqsha ustamaıdy. Bul úlken jetіstіk, tіptі osy turǵyda AQSh-ty da basyp ozdyńyzdar. Amerıkada Starbucks-qa kofe іshýge barǵan adam tıynyn sanap turady. Al Qazaqstanda bárі basqasha, mundaı jetіstіktіń qoǵamǵa áserі orasan», - dedі amerıkalyq ınvestor.