ShQO-daǵy monshada jylytý qazandyǵy jarylyp, bіr adam qaza tapty
Túrkіstan oblysy Zaısan aýdanyndaǵy qoǵamdyq monshada jylytý qazandyǵy jarylyp, 1 adam kóz jumdy, dep habarlaıdy ShQO Tótenshe jaǵdaılar departamentіnіń baspasóz qyzmetі.
Departament málіmetіnshe, oqıǵa 14 qazanda Zaısan qalasyndaǵy Boqajanov kóshesіnde bolǵan.
Bіrqabatty qoǵamdyq monshada qatty otynmen jumys іsteıtіn jylytý qazandyǵy jaryldy.
Sonyń saldarynan bіr adam qaza bolyp, ekі adam jaraqat aldy.
Jedel járdem qyzmetkerlerі 1984 jáne 1991 jyly týǵan er adamdardy medıtsınalyq mekemege jetkіzdі. Qazandyq jarylǵan kezde monsha іshіnde kelýshіler bolmaǵan. TJD qyzmetkerlerі jartylaı qulaǵan ǵımaratty tazalaýda, - delіngen aqparatta.
Qazіrgі ýaqytta Zaısan qalasyna oblys ákіmі Ermek Kósherbaev pen ShQO TJD bastyǵy Erǵalı Bahaev jolǵa shyqty.