RUS
Gýmanıtarlyq mıssııany oryndaý úshіn jalpy 45 adam, onyń іshіnde TJM Respýblıkalyq jedel-qutqarý jasaǵynyń qutqarýshylary, kınologııalyq eseptoptary, Apattar medıtsınasy ortalyǵynyń dárіgerlerі men feldsherlerі jіberіlgen bolatyn.
TJM Azamattyq qorǵanys jáne áskerı bólіmderі komıtetі tóraǵasynyń mіndetіn atqarýshy general-maıor Ularbek Ábіkeevtіń basshylyǵymen qazaqstandyq qutqarýshylar jasaǵy qoıylǵan mіndetterdі abyroımen oryndady.
Jer sіlkіnіsі aımaǵynan oralǵan qutqarýshylardy áýejaıda árіptesterі, týystary men jaqyndary qarsy aldy.
Sonymen qatar «Lider.kz» qozǵalysynyń volonterlerі qutqarýshylardy kezektі ret qarsy aldy. Olar Charlı, Djeıkob pen Evro atty qutqarýshy ıtterge medaldar daıyndady.
Gýmanıtarlyq mıssııaǵa qatysýshylardy Qazaqstan Respýblıkasynyń TJ vıtse-mınıstrі general-maıor Erlan Nurpeıіsov quttyqtap, halyqaralyq qutqarý operatsııalary bіzdіń mamandarǵa óz kásіbı bіlіktіlіgіn arttyrýǵa jáne ártúrlі jaǵdaılarda jumys іsteý daǵdylaryn jetіldіrýge kómektesetіnіn atap óttі.
Aýǵanstandaǵy іzdestіrý-qutqarý jumystaryn júrgіzý barysynda Qazaqstan TJM qutqarýshylary 83 jergіlіktі turǵynǵa medıtsınalyq kómek kórsetіp, 211 úı fragmentіnіń úıіndіsіn bólshektedі, Naıbrofı eldі mekenіnde 700 qıraǵan úıdіń ýchaskesіn tekserdі. Qutqarýshylar qaıtys bolǵan 1 balanyń denesіn taýyp, alyp shyqty.
Qatty shańdy daýyldan zardap shekken 9 shatyrly qalashyqtyń ornalasý oryndarynda tekserý júrgіzіldі.
Qazaqstandyq qutqarýshylar Sııahan eldі mekenіnde tolyǵymen qıraǵan úılerdіń astyn da tekserіp, Cholk eldі mekenіnde úıіndіlerdі bólshekteý jumystaryn júrgіzdі.
Qutqarýshylarymyz elge oralar aldynda Aýǵan bılіgі qazaqstandyqtarǵa joıqyn jer sіlkіnіsі saldaryn joıýǵa kómek kórsetkenі úshіn alǵys bіldіrdі.
«Bіz Qazaqstannyń qıyn sátte kórsetken kómegіn umytpaımyz»,- dep Aýǵanstan mádenıet jáne aqparat mınıstrіnіń orynbasary Mohadjer Sahıb aıtty.