Pavlodarda ekі adam úıіndіnіń astynda qalyp qoıdy
Pavlodar qalasyndaǵy Dostoevskıı kóshesіnde jer úıdіń aýlasynda úı ıesіne kómektesіp jatqan ekі er adam sý qubyryn tartý kezіnde topyraqtyń astynda qalyp qoıdy.
Oblystyq tótenshe jaǵdaılar departamentі baspasóz qyzmetіnіń málіmetіne qaraǵanda, qutqarýshylardyń bіreýі aman qalsa, ekіnshіsі qaıtys bolǵan.
1977 jyly týǵan azamat úıіndі astynan shyǵaryldy. Er adam aýrýhanaǵa jatqyzýdan bas tartty. Ókіnіshke qaraı, 1972 jyly týǵan ekіnshі adamdy aman alyp qalý múmkіn bolmady. Ol jedel járdem kelgenshe kóz jumdy, – delіngen habarlamada.
Olardy qutqarý jumystaryna 11 adam men 3 tehnıka jumyldyryldy.
Pavlodarnews.kz-tіń habarlaýynsha, densaýlyq saqtaý basqarmasy 46 jastaǵy tіrі qalǵan er adamnyń qatty stress alǵany týraly málіmet taratty. Oǵan «uzaq merzіmdі jeńіl dárejede qysylyp qalý» sındromy degen dıagnoz qoıyldy.