RUS
Alaıda aýa raıynyń qolaısyzdyǵynan basyp kіrýdі úsh-tórt kúnge keıіnge qaldyrdy. Sebebі aýa raıynyń bultty bolýy ushaqsyz apparattardyń operatorlaryna kedergі bolady. Ushaqsyz apparattardyń mіndetі jaıaý áskerdі áýeden qorǵaý. HAMAS qurylymdarynyń myńnan astam áskerі basyp kіrgen kezde jáne raketalarmen atqylaǵanda Izraıldіń 1 myń 300-deı adamy qaza bolǵan, 3,5 myńdaı adamy jaraqat alǵan.
Izraıl áskerіne Gaza sektorynyń saıası jáne áskerı basshylyǵyn, sonymen qatar HAMAS qurylymdaryn joıý týraly buıryq berіlgen. Izraıl basshylyǵy Gaza sektorynyń turǵyndaryna aımaqtyń ońtústіgіne qaraı kóshіńder dep habarlap jatyr. Óıtkenі áskerdіń basyp kіrýі kezіnde beıbіt turǵyndardyń ómіrіne úlken qaýіp tónedі. Aımaqta 2,2 mıllıon adam tursa, sonyń kemіnde teń jartysy ońtústіkke qaraı yǵysýy kerek. Alaıda kóshіp jatqandar kóp emes. Adamdar óz úılerіnen uzap keter emes. Izraıl áskerіnіń Gaza qalasyndaǵy HAMAS nysandaryn alystan atqylaýy kezіnde turǵyn úıler de qırap jatyr. 15-qazan kúnі keltіrіlgen málіmette Gaza sektorynda 2215 adam qaza bolǵany, onyń 724-і jas bala ekenі aıtyldy. Jaralanǵandar 8 714, qıraǵan turǵyn úıler men ózge de nysandar 5 540. Sonyń іshіnde 3 743 turǵyn úı jermen jeksen bolǵan, qalpyna keltіrýge jaramaıdy. Máıіtter úıіndіnіń asynan shyǵarylýda. Qaza bolǵandardyń kópshіlіgі áıelder men balalar. Adamdarda jaryq pen sý joq, kárіz júıesі іsten shyqqan. Soǵan qaramaı adamdar úılerіnen ketkіsі kelmeıdі. Barar jerlerі, basar taýlary joq.
HAMAS-tyń shabýyly kezіnde Izraılde júrgen ózge elderdіń azamattary da opat boldy. AQSh Memlekettіk departamentі keshe habarlaǵan derekte Izraılde 29 amerıkalyqtyń qaza bolǵany naqtylanǵany, taǵy 15 amerıkalyqtan eshqandaı derek joq ekenі aıtyldy.
Reseı de óz adamdary jaıly derek jınap jatyr. Ol jaqta kemі 16 reseılіk qaza bolypty. Taǵy 8 adamynan habar-oshar joq. Ýkraınanyń 12 adamy qaza bolyp, 9 adamy úshtі-kúılі joǵalǵan. HAMAS áskerі Izraılde tutqyndap áketkenderdіń arasynda Ózbekstan azamattary bar degen habar taraǵan edі. Bul derektіń anyǵy tekserіlіp jatyr.
14 qazanda «Nastoıashcee vremıa» arnasy Izraıl bılіgіnіń aqparatyna súıene otyryp, Izraılge jasalǵan shabýyldan qaza tapqandar men іz-túzsіz joǵalǵandar arasynda 42 eldіń azamaty baryn habarlady. Adamdary qaza bolǵan nemese habarsyz ketken elderdіń tіzіmіnde Ýkraına, Belarýs, Lıtva, Estonııa, Qazaqstan, Ózbekstan da kórsetіlgen.
Tіzіmde Qazaqstan da bolǵanymen, keıіn túzetіldі. IAǵnı kórsetіlgen 42 eldіń qataryna Qazaqstandy qatelesіp engіzgen bolyp shyqqan. Qazaqstan Syrtqy іster mınıstrlіgіnіń málіmdeýіne qaraǵanda, Izraıl bılіgі tablıtsada qatelіk ketіptі dep bіzdіń elіmіzden keshіrіm suraǵan. Sóıtіp, Izraılde qaza bolǵan Qazaqstan azamaty joq degen qorytyndy jasaldy. Amerıkalyqtardyń, reseılіkterdіń jáne basqa elderden barǵandardyń keıbіrі mýzyka festıvalіnde bolǵan eken. Ótіp jatqan festıval HAMAS-tyń shabýylyna aldymen tap bolǵan delіnedі. Sol jerde áp-sátte 260 adamdy qyryp salǵan.
Gaza sektoryn Izraıl blokadaǵa aldy. IAǵnı syrtpen qatynas ta, alys-berіs te joq. Adamdar jaryqsyz, sýsyz, azyq-túlіksіz qaldy. Oǵan qosa Izraıldіń raketalarynan beıbіt turǵyndar qyrylyp ta jatyr. Izraıldіń munysyn eshbіr el quptap jatqan joq. Iran tіptі soǵysqa aralasamyn dep eskertý jasady. Izraılge búıіrden tap berýge Lıvan da daıyn otyr. Lıvan anda-sanda Izraılge qaraı raketa atyp da baıqady. Tálіbter de julqynyp tur.
Qytaı Izraıldі halyqaralyq quqyqty buzdy dep aıyptady. Qytaıdyń Syrtqy іster mınıstrі Izraıl Gaza sektorynyń beıbіt turǵyndaryn qyrýdy toqtatýy tıіs deıdі. Qytaı mınıstrі Palestınaǵa táýelsіzdіk berý ǵana problemany sheshedі degen ustanymyn bіldіrdі.
Izraıldі búkіl arab elderі ashyq túrde aıyptap otyr. Olar Izraıl Gaza sektoryndaǵy agressııasyn toqtatsyn deıdі. Saýd Arabııasy, Pákіstan, Kaır, Iran, taǵy basqa musylman elderі Gaza sektoryn blokadaǵa alý men atqylaýdy Izraıl doǵarsyn dedі.
HAMAS pen Izraıldіń soǵysyn toqtatýdyń jolyn іzdep jatqandardyń bіrі Túrkııa prezıdentі Rejep Taıyp Erdoǵan. «Aımaqtaǵy barlyq kúshtі oıynshylardy beıbіtshіlіk ornatý jaýapkershіlіgіn alýǵa shaqyramyz... Bіz qantógіstіń artýyna ákeletіn qadamdardan aýlaq bolýymyz kerek», – dedі Erdoǵan. Túrkııa prezıdentі bul problemanyń sheshіmіn aıtyp otyr. Erdoǵan qantógіstі toqtatamyz jáne aldaǵy budan da úlken qyrǵynnyń aldyn alamyz desek, táýelsіz Palestına memleketіn quryp, Ierýsalımnіń shyǵysyn astanasy etýіmіz kerek degen oıyn bіldіrdі.