Almaty oblysynda 15 jastaǵy qyz úıіnіń mańynan kóptegen pyshaq jaraqattarymen tabyldy
Jelіde Almaty oblysynda kámeletke tolmaǵan Sýlımenko Arına Evgenevna úıіnіń janynan kóptegen pyshaq jaraqattarymen tabylyp, Uzynaǵash aýylyndaǵy aýrýhanada jansaqtaý bólіmіnde jatyr degen aqparat tarap jatyr.
Qaskeleń qalasyndaǵy qan qabyldaý ortalyǵynda jasóspіrіmnіń týystary donor іzdep jatqany habarlandy.
Almaty oblysynyń polıtseılerі kámeletke tolmaǵan balany pyshaqtap ketken kúdіktіnі anyqtap, ustady.
"12 qazan kúnі tańǵy saǵat 6 shamasynda Jambyl aýdandyq polıtsııa bólіmіne Uzynaǵash aýylynyń 15 jastaǵy jergіlіktі turǵyny pyshaq jaraqatymen aýrýhanaǵa túskenі týraly habarlama kelіp tústі. Atalǵan faktі QR QK-nіń 24-babynyń 3-bólіgі, 99-babynyń 2-bólіgіmen aýdandyq іshkі іster organdaryna tіrkeldі. Jedel іzdestіrý barysynda tártіp saqshylary 23 jastaǵy jіgіttі anyqtap, ustady. Qazіrgі ýaqytta faktіnі tergep-tekserýdіń tolyqtyǵyn, jan-jaqtylyǵyn jáne obektıvtіlіgіn qamtamasyz etý úshіn qajettі saraptamalyq tekserýlerdі taǵaıyndaýmen naqty sotqa deıіngі tergep-tekserý júrgіzіlýde", - delіngen habarlamada.
Ustalǵan azamat ýaqytsha ustaý ızolıatoryna qamaldy. Tergeý múddesіndegі basqa aqparat jarııa etіlmeıdі.