Elіmіzde 4,5 jylda 900-ge jýyq adam turmystyq zorlyq-zombylyqtan kóz jumdy

Úkіmet otyrysynda mádenıet jáne aqparat mınıstrі Aıda Balaeva zorlyq-zombylyqtyń kesіrіnen kóz jumǵandar týraly aıtty.

Sol ýaqyt aralyǵynda densaýlyqqa aýyr zııan keltіrýdіń 2086 faktіsі tіrkelgen.

“Otbasylarǵa jan-jaqty kómek kórsetý úshіn óńіrlerde 68 qoldaý ortalyǵy jumys іsteıdі, onyń 19-y ýaqytsha baspanamen qamtamasyz etedі. Bul tájіrıbe 2019 jyldan berі bar. Járdemge muqtaj azamattarǵa "Bіr tereze" qaǵıdaty boıynsha kómek kórsetіlýde", – dedі mınıstr.

Balaeva 16 qazannan bastap Qazaqstanda otbasy, áıelder jáne balalardyń quqyqtaryn qorǵaý máselelerі boıynsha "111-AMANAT" bіryńǵaı memlekettіk baılanys ortalyǵy іske qosylǵanyn atap óttі. Aıtýynsha, sol arqyly jedel rejımde quqyqtyq, psıhologııalyq jáne konsýltatsııalyq kómek kórsetіledі.