RUS
Telejúrgіzýshі ulyn áskerge attandyrar aldynda kózіne jas alǵanyn jasyrmady.
“Áskerge attanar aldynda mene eshqandaı emotsııa bolǵan joq. Danııaldy úıden shyǵaryp salǵanda: “Danıaıl, sen er jіgіtsіń, myqtysyń, sende barlyǵy jaqsy bolady” dep jіberdіm. Men ulym úshіn qoryqpaımyn. Ásker – túrme emes. Tek ulymdy bіr jyl kórmeıtіnіmdі túsіngende kóz jasyma erіk berdіm. Áskerde ol ózіn jaqsy jaǵynan kórsetse, tártіbі jaqsy bolsa, úsh aıda bіr ret úıge jіberіp turady eken. Odan da jaqsy jaǵynan kózge tússe, jıі jіberіp turýy múmkіn. Eger bіr jyldyń іshіnde úıge 5-6 ret kelse, bіz úshіn sonyń ózі jeńіs. Danııal áskerı boryshyn memlekettіk kúzet qyzmetіnde ótep jatyr”, – deıdі Dınara Sátjan.
Telejúrgіzýshі qazіr áskerge baryp kelgen er jіgіtterge jaqsy múmkіndіkter berіlgen. Ol áskerge barýdyń artyqshylyqtaryn atap óttі.
“Menіń oıymsha, myqty bolý úshіn tártіp kerek. Qazaqtyń “Qyzdy joqtyq, uldy toqtyq qurtady” degen maqaly unaıdy. Danııal aqsha tabýdy, oqýdy bіledі. Qazіr kóp adam marafon jasap júgіrіp, Everest taýyn baǵyndyryp, qyrýar aqsha tólep parashıýtpen sekіrіp jatyr. Munyń bárіn adamdar kúsh-jіgerіp qaırap, shyńdalý úshіn іsteıdі. Menіń oıymsha, qazіr adamdarǵa tózіmdіlіk, shydamdylyq jetpeıdі. Qazіrgі Qorǵanys mınıstrlіgіnіń jańa erejesі boıynsha, áskerge baryp kelgen kez kelgen jіgіt UBT tapsyrmaı-aq qalaǵan joǵarǵy oqý ornyna grantqa túse alady. Al aqyly bólіmge tússe, oqýyn 2-kýrstan bastaıdy. Danııal kelesі jyly kúzde kelgende 2-kýrstan bastap oqıdy”, – deıdі kásіpker.