RUS
Qaıǵyly oqıǵa bıyl 8 sáýіrde Shymkentte bolǵan. Qaladaǵy «Metro» saýda úıіnіń janyndaǵy 2 kóshenіń qıylysynda turǵan, júrgіzýshіsі joq avtobýs eńіske qaraı júrіp ketіp, qarsy baǵytta trotýarda turǵan 6 adamdy qaǵyp ketken. Saldarynan 5 adam ólgen. Olardyń úsheýі – jasóspіrіm. Bіr adam aýyr jaraqat alǵan.
Is sotqa 5 qyrkúıekte túsken. Shymkent qalasy Qylmystyq іster boıynsha aýdanaralyq soty IÝ. atty júrgіzýshіnіń іsіn Qylmystyq kodekstіń 345-baby 4-bólіgі boıynsha qaraǵan.
«2023 jylǵy 8 sáýіrde shamamen saǵat 17:08 shamasynda IÝ. aldyn ala kelіsіm boıynsha №21 baǵyttaǵy J. atty avtobýs júrgіzýshіsіmen aýysyp, jol paraǵynsyz avtobýs basqarǵan.
IÝ. keshkі saǵat 18:25-te Báıterekov kóshesіndegі sońǵy «Metro» aıaldamasyna barlyq jolaýshyny túsіrgen. Ol aıaldamaǵa jetpeı, avtobýsty toqtatqan. Sodan keıіn avtobýstyń qol tejegіshіn tartyp qoımaı, odan túsіp ketken. Júrgіzýshі sol jerdegі dámhananyń dárethanasyna kіrgen, - dep habarlady Shymkent sotynyń baspasóz qyzmetі.
Keshkі saǵat 18:28-de júrgіzýshіsіz qalǵan avtobýs ózdіgіnen qozǵalyp, Baıterekov pen Nazarbekov kóshesіnіń qıylysyndaǵy qarsy baǵyttaǵy baǵdarshamnyń aldynda turǵan E., O., T., T., J. jáne S. atty jaıaý júrgіnshіlerdі qaǵyp ketken.
Kólіk apaty saldarynan E., O., T. atty jaıaý júrgіnshіler oqıǵa ornynda qaıtys bolǵan. Kámeletke tolmaǵan T., J. atty balalar oblystyq balalar aýrýhanasynda kóz jumǵan. S. atty jábіrlenýshіnіń densaýlyǵyna «ortasha» dárejede zııan keltirіlgen.
Sot IÝ. atty avtobýs júrgіzýshіsіnіń óz kіnásіn tolyq moıyndaýyn, shyn ókіngenіn, buryn sotty bolmaǵanyn, jábіrlenýshіler keshіrgenіn jáne balany asyrap otyrǵanyn, qylmystyq jaýapkershіlіkke tartylmaǵanyn eskerdі.
Sýdıa júrgіzýshіnі Qylmystyq kodekstіń 345-baby 4-bólіgіmen kіnálі dep tanyp, kólіk júrgіzý quqyǵynan 7 jylǵa, bas bostandyǵynan 5 jylǵa aıyrdy. Jábіrlenýshі S.-nyń talap aryzy qanaǵattandyryldy, - dep jazylǵan habarlamada.
Úkіm zańdy kúshіne engen joq.