RUS
Premer-mınıstr Álıhan Smaıylovtyń Túrkіstan oblysyna jumys sapary kezіnde sheteldіk ınvestor – BAÁ-nіń Terminals Holding kompanııasymen Astana áýejaıyn mýltımodaldі hab retіnde damytý jónіndegі yntymaqtastyq týraly kelіsіmge qol qoıyldy.
Terminals Holding kompanııalar toby – Azııa men Afrıkanyń іrі naryqtarynda tutynýshylarǵa qyzmet kórsetetіn, sondaı-aq Abu Dhabi Ports іrі portty jáne ónerkásіp kompanııasymen baılanysty qarqyndy damyp kele jatqan avıatsııalyq kásіporyn.
Investor Astana halyqaralyq áýejaıynyń qyzmetіne jan-jaqty baǵa berіp, keıіnnen jolaýshylarǵa qyzmet kórsetý sapasyn jáne jalpy áýe aılaǵynyń tıіmdіlіgіn arttyrý úshіn jedel basqarýdy óz qolyna alady.
Investordyń bіrіnshі kezektegі mіndetі – ushý-qoný jolaǵyn qaıta jańartýǵa jáne ony odan árі jańǵyrtýǵa daıyndaý. Daıyndyq jumystaryn jáne elordanyń qysqa merzіmdі qurylys maýsymyn eskere otyryp, kelesі jyly jerústі ınfraqurylymyn kúrdelі jóndeýdі bastaý josparlanyp otyr, – delіngen primeminister.kz-tіń habarlamasynda.
Sonymen qatar memleket pen jeke kompanııa múddelerіnіń tepe-teńdіk balansyn eskere otyryp, bolashaq ınvestıtsııalarǵa negіz bolatyn áýejaıdy damytýdyń uzaq merzіmdі bıznes-jospary ázіrlenetіn bolady.
Kólіk mınıstrlіgі Terminal Holding kompanııasymen yntymaqtastyqty nyǵaıtý memleket basshysynyń Qazaqstan halqyna Joldaýynda elіmіzdegі áýejaılardy mýltımodaldі ortalyqtar retіnde damytý jónіndegі belgіlengen mіndetterdі іske asyrýǵa eleýlі úles qosatynyn habarlady.